Ads 468x60px

Monday, March 29, 2010

අන්තර්ජාල මහ ගෙදරත් අන්තර්ජාලය තහනම්!

ලංකාවටම ඉන්ටර්නෙට් දෙන පුරෝගාමියා ලෙස ප්‍රසිද්ධ ශ්‍රී ලංකා ටෙලිකොම් ආයතනයේ සේවක සේවිකාවන්ට අන්තර්ජාලය තහනම් කර ඇත. මෙම කථාව ඇසූ ඕනෑම කෙනෙක්ට මතක් වෙන්නෙ වඩුවාගෙ ගෙදරත් පුටුවක් නැත යන කථාවයි.එසේ අන්තර්ජාලය තහනමට ලක්වීමට ඇති හේතුව වශයෙන් එහි කළමණාකාරීත්වය දක්වන්නේ ඵලදායී තාවය වැඩි කරණු පිණිස මෙම පියවර ගන්නා ලද බවයි.අන්තර්ජාලය තිබුණහොත් ඵලදායීතාවය නැති වන්නේ කෙසේද? එසේ නම් ටෙලිකොම් කලමණාකාරීත්වයට තම සේවකයන් පිළිබද ඇත්තේ අවිශ්වාසයක්ද? අඩුම තරමින් විකිපීඩියා වෙත ගොස් නොදන්නා කරුණක් වත් දැන  ගැනීමට අයිතියක් නැද්ද? තමාගේ විද්‍යුත් තැපෑල පරික්ෂාකිරීමට කැ‍ෆේ වලට යෑමට වීම ගැන ඔවුන් ලැජ්ජා වෙති.අපටත් එය විහිළුවක් වැනිය.

අප්‍රේල් 1වෙනිදාට ගන්න අදහස් 100ක්!

අප්‍රේල් 1 වෙනිදත් ලඟයි දන්නව නේ ඒක අපි කාගෙ කාගෙත් දවස කියල..කොහොමද හිතන් ඉන්නෙ ? මෝඩයාගෙ දවසෙ කවුරුහරි රවට්ටන්න නම් ඕන ...ඒත් හොඳ අදහසක් නැහැ නේ..????? මම දෙන්නම් එකක් නැතුවට 100ක්ම .අදහස් සීයයක්!!! හ්ම්....එහෙනම් මේ සැරේ දෙන්න ඕන හොඳ ගේමක්..ආ..හැමෝම මෙතනින් බා ගෙන  හොඳ අදහසක් මේකෙන් ගන්න බලන්න....


Sunday, March 28, 2010

කොටි මහුණ සහ ගෝනාගේ මල සිරුර...

මේකත් සත්‍ය කථාවක්...නූතන ගුවන් තොට ඉදිවන මත්තල ප්‍රදේශයේ ජීවත් වන මොහු දක්ෂ දඩයම් කරුවෙකි නම සඳහන් කිරීමට අකමැති හෙයින් ඔහු රාලහාමි ලෙස හදුන්වමු. මීට කලකට ඉහත දී මොහු දඩයමේ යෑම පුරුද්දක් කරගෙන තිබූ නමුත් දැන් ඔහු එම පුරුද්ද අතහැර ඇත්තේ වනජීවී නිලධාරීහු එම ප්‍රදේශයේ ගැවසෙන බැවිණි.එදා පුර පසොළොස්වක පොහෝ දිනකි පොහෝදින දඩයමේ යෑමට කදිම දිනයක් බැවින් එදින ඔහු සුපුරුදු පරිදි නැවත පුරවන ලද පතොරොම් කිහිපක්ද රැගෙන

Saturday, March 27, 2010

සිහිනෙන් ඔබ මට පෙනෙනව නම්..!

යම් මාතෘකාවක් ඇරඹීමට ප්‍රථම එය නිර්වචනය කිරීම සාමාන්‍ය බටහිර සම්ප්‍රධායයයි නමුත් එය ඉතාම වටිනා අදහස් බැවින් අනුගමනය කිරීම අගනේයැයි සිතේ එහෙත් මිනිස් ස්වභාවය හෝ මනෝවිද්‍යාව එසේ නිර්වචනය කළ හැකිද? මෙය ඉතා අපහසු කටයුත්තකි මිනිසාගේ මනස ක්‍රියා කරන ආකාරය තේරුම් ගැනීමට සමත් කිසිවකු මෙලොව බිහි නොවනු ඇත එතරම් සංකීර්ණ වූ මනසින් දකිනා සිහින මොනවාදැයි සොයා බැලීම වටී.

Thursday, March 25, 2010

ඕවට කවුද භය?

මනුස්සකම අඩවිය මේ දවස්වල කථා කරන්නෙ අමනුස්සකම ගැන එනම් භය/හොල්මන්/අවතාර  ගැන, ගොඩක් දෙනෙක් නම් මේවා බොරු මතයැයි තරයේ කියා සිටියි නමුත් සමහරුන් මේවා කෙලින්ම ප්‍රතික්ෂේප කරන්නේ නැත එහි යම් සත්‍යයක් ඇතැයි පවසයි .සමහරුන් ස්ථිර වශයෙන් හොල්මන්/අවතාර කියා දෙයක් ඇති බව පවසයි.ගංඟා, ඇල ,දොල, ගස් ,වැල් ,ඉබේ හටගන්නා ජීවීන් ,ස්වභාව විපර්යාශ ඇති මේ ලෝකයේ යම් අද්භුත තත්වයන් නැතැයි එක එල්ලයේ ඉවත දැමිය හැකිද? ජන ප්‍රවාදයේ යම් දෙයක් පැවතෙන්නේද එහි යම් තරමක හෝ සත්‍යයක් තිබිය යුතුය.එසේ නොමැතිව ඕපපාතිකව යම් අදහසක් ඇතිවිය හැකි දැයි ප්‍රශ්නයකි "ගින්නක් නැතුව දුමක් නඟින්නෙ නෑ " යන්න අපේ අය නිතර කියන කථාවකි.

ටියුෂන් කැපයි..අවුලක් නෑ

පාසල් ගැරුවරයාට ටියුෂන් කැපයිද? යන තේමාව ඔස්සේ මනුස්සකම අඩවිය පැවැත්වූ මත විමසුමේදී පාසල් ගුරුවරයාට ටියුෂන් කැප බව 70% දෙනා පවසා ඇති අතර කොහෙත්ම නෑ වශයෙන් අදහස් දක්වා ඇත්තේ 25% කි අනෙක් 5% දෙනා හිතාගත නොහැකි බව පවසා ඇත මෙහිදී මාගේ අදහසද අවුලක් නෑ යන්නයි නමුත් පාසල් ළමුන්ට හානියක් නොවන ආකාරයෙන් කරනවනම් තමයි ඉතින් අවුලක් නැති වෙන්නෙ සමහරු විශය නිර්දේශය ආවරණය කරන්නෙ උපකාරක පන්තියෙදි පාසලේදී බාගෙට එහෙව් ගුරුවරුන් දේශයට වින කරති.නව මත විමසුම හොල්මන් ඇත්තද? යන්නයි,

බලු හොල්මනක්.....


මේක ඇත්තම කථාවක් සිදුවුනේ තිස්සමහරාමකට නුදුරු පුදේශයක ඔහු නමින් ප්‍රසන්න දැනට අම්පාර දැවසංස්ථාවෙ සේවය කරන්නෙ.ඔහු පාසල් යන කාලයේ 9වසරේ ඉගෙනුම ලබන කාලෙ ගියේ පන්නගමුව මහ විදුහලට ප්‍රධාන පාරේ සිට තම නිවෙස වෙත යාමට හැතැක්මක පමණ දුරක් පයින් යාමට සිදුවන අතර එම පාර වැටී ඇත්තේද පාළු ඉසවුකය සොහොන් පිටිටනියක් පසුකරමින් යාමටද සිදුවේ.

Wednesday, March 24, 2010

ලැජ්ජයි කියන්නෙ විලි ලැජ්ජයි! (දෙවන වෙළුම)

මා පසුගිය කලක පාසල් ජාලය තුල තිබූ වෙබ් අඩවි වලට මොකද වුනේ? යන කාරණාව යටතේ කතා කළා මේ වන විට එම පාසල් වෙබ් අඩවි නැවතත් යතා තත්වයට පත් වී ඇති අතර යම් පරිශ්‍රමක් දරා මේ ලෙස හෝ යථා තත්වයට පත් කිරීම ගැන මොරටුව සරසවියේ අදාල අංශය වෙත යම් ස්තුතියක් පුද කිරීමට සිතුණි . නමුත් මෑතක දී කළ වෙබ් අඩවි ඉවත්ව ගොස් ඇති අතර 2007-2008 කාල වලදී සැදූ අඩවි පමණක් දැකගත හැකි අතර මෑතකදී කළ යාවත්කාල කිරීම් කිසිවක් නැවත ලැබි නොමැත. මෙසේ වීමට හේතුව දිගු කාලයකින් Sever Tape Backup නොගැනීම විය හැක. ‍කෙසේ නමුත් ඉදිරියට මෙවැනි අකටයුතු කම් සිදු නොවීමට අදාල අංශය පියවර ගන්නේ නම් ඔවුනට අපගේ ආචාරය පුදකර සිටීමට කැමැත්තෙමු.

Monday, March 22, 2010

2500 ත් පැනල.....

මගේ බ්ලොග් එක නියමාකාරව පටන්ගෙන අදට හරියටම  මාසයක් සපිරෙනව...අද වෙකොට මනුස්සකම දිහා බලපු ආගිය අය 2500ත් පැනල ලැබූ හිට් ප්‍රමාණය 4500 ටත් වැඩියි මාසයක් තුල මෙතරම් පිරිසක් මනුස්සකමට ආව කියන්නෙ එක අතකින් මම ලබපු ජයක් කියල මට හිතෙනව බ්ලොග් එකක් කරන්න හිතාගෙන හිටියෙ නෑ ඒත් අශාන් මල්ලිගෙ පෙරැත්ත කිරීමට තමයි පටන් ගත්තෙ මුලින් මට අනුබල දීපු කෙනාට ස්තුති කරල ඉන්න වටිනව නේ.ඊට පස්සෙ ස්ථිර යාලුවන් 18 දෙනෙකුත් නිතරම මනුස්සකමට යනව එනව එයාලටත් මගේ හදපිරි ස්තුතිය පුදකරන අතර සිංහල බ්ලොග් මේ තරම් ජනප්‍රිය වීමට හේතුවත් සිංහල බ්ලොග් සින්ඩි පවත්වාගෙන යාම බව මගේ අදහසයි, ලාංකීය සිතුවිලි, සිංහල බ්ලොග් කියවනය, කොත්තු, යන සින්ඩි වලටත් මගේ ප්‍රණාමය! එසේම මගේ අදහස් ගැන මත පලකර සියලුම දෙනාටත් සිංහල බ්ලොග් කියවන සියලු දෙනාටත් නිදුක් නීරෝගී හෙට දිනයකට ආසිරි! මනුස්සකම වෙතින්.
නිතර යන එන මිතුරු කැල-
සඳුන්,නදුන්,හසිත,ප්‍රබෝධ,තිළිණ,මදුක,රවෙන්,පලාමල්ල පිස්සා,රන්දිල්,ම,බිඟුවා,සුදර්ශන,දුකාල,මෑඩි ෂැක්,හෙළයා,අශාන්,මම,මධුර,දයාන්,

ඇතුල්වීම තහනම්......(Access is Denied)

windows XP වල අපිට යම් කිසි Folder එකක් හෝ හාර්ඩ්ඩිස්ක් එකෙහි කොටසක්‍( Hard disk Partition ) හෝ ඇතුල්වීම තහනම් කිරීමට හැකියාව ඇත, එ‍සේ තහනම් කල පසු ප්‍රධාන ගිණුමෙන් හැර අනෙකුත් ගිණුම් තුලින් එම තහනම ඉවත් කිරීමට අපහසුය (පරිගණක ගැන දැනුම වැඩිවශයෙන් ඇති අයට එම තහනම ඉවත් කිරීම සිම්පල්ය) මෙසේ තහනම් කිරීමෙන් බලාපොරොත්තු වන්නේ එකවර යම් පුද්ගලයෙකුට එම ලේඛණය විවෘත කිරීමට නොහැකි වන සේ සකස් කිරීමයි කුඩා ළමුන්ගෙන් සහ පරිගණකය පාවිච්චි කිරීම පිළිබඳ නිසි දැනුමක් නැති පුද්ගලයන් අතින් තම ලේඛණයන් විනාශ වීම බොහෝදුරට වලක්වා ගත හැක.

Friday, March 19, 2010

මව් සෙනේ අහිමි පිං මද පුතුනි.....!

(කරුණාකර අධිසංවේදී සහ ගැබිනි මාතාවන් මෙම ලිපිය කියවීමෙන් වලකින්න)

මාර්තු 18 වෙනිද පත්තරේ තිබුණ සිද්ධියක් දැකල මට හිතුන තවමත් මනුස්සකම සමාජය තුල තියනව කියල මොකද ඒකෙ තිබුණෙ ඇබිලිපිටි‍ය මහ ‍රෝහලේ වෛද්‍යවරුන් පිරිසක් කල හපන් කමක්....ඒ වගේම මනුස්සකම දන්න ආදරණිය මවක් සහ පියෙක් ගැන.. මොලය මියගිය තරුණ මහහතකුගෙ ශරීරයේ අනෙකුත් කොටස් තවත් මිනිසුන් සුවපත් කීරිම උදෙසා ඉවත් කෙරුණු කථාව! වෙලාවකට ඒක සංවේදි කථාවක් වගේ ඒ දෙමාපියන් එම කාර්යයට කැමැත්ත පළ කරේ පිං ලබාගන්නට සිතා නොවේ කාට හෝ එම කොටස් වලට පිහිටක් වේයැයි සිතාය මියගිය තරුණයාටද එය සෑබෑම පිනක් වවනු නිසැකයි.එම කථාව එලෙස කියද්දි තවත් සෝචනීය සිදුවීමක් කියන්නයි ලැහැස්තිය.....

මම පවසන්නෙත් etisalat

සිත විමසන්නෙත්  etisalat
ගත විමසන්නෙත්  etisalat
සිහින දකින්නෙත්  etisalat
විහඟු ගයන්නෙත්  etisalat
සුළඟ කියන්නෙත් etisalat
මම පවසන්නෙත්   etisalat
etisalat=ඔබ ගැනමයි!

Wednesday, March 17, 2010

SMS අවදානම්!

කොට්ටෝරුවා හැම ගහටම කොට කොට ගොසින් ගෙසෙල් ගහට කොටපු දවසට හොට පැටලෙනවලු.අපේ තරුණ කෙල්ලො කොල්ලො මේ බව හොඳට දන්නව මම හිතන්නෙ ! කොහොම වුණත් මම කියන කථාව නම් ගොඩක් අයට අසුභදායක වෙන්න පුළුවන්....

අපේ කාලෙ නම් කෙල්ලට හරි කොල්ලට හරි පණිවිඩයක් දෙන්න අපමණ වෙහෙසක් දරන්න ඕන. අතර මැදියන්ටත් සම්තින් එකක් දෙන්න වෙනව ඒත් දැන් හැමෝගෙම අතේ ෆෝන්,එස් එම් එස් වලින් පණිවිඩ දෙන්න පුළුවන් කොච්චර පහසුද? පහසු තමයි මේ එස් එම් එස් වල අවදානම ගැන දන්නව නම්!......

ඉස්සරනම් එස් එම් එස් වලින් යවපුව උසාවියක් වත් පිළිගන්නෙ නෑ ඒත් දැන් මේ එස් එම් එස් නීති ගත කරගෙන යන බව ආරංචියි ලඟදිම අපට නිල වශයෙන් දැන ගන්න ලැබේවි දැනටමත් ජනමාධ්‍ය වලත් මේ පිළිබඳ සටහන් පලවෙලා තියනව "මම ඔයාව බඳින්න පොරොන්දු වෙනව" කියල යැව්වොත් ඉතින් ‍බෙරේ බැඳගත්ත කියල හිතා ගන්න.....වැරදිලා වත් එහෙම දෙයක් කියන්න එපා ඕන නම් මෙහෙම කියන්න "ඔයා මම කියන විදියට හොඳන් හිටියොත් විතරක් මම ඔයාව බඳින්න පොරොන්දු වෙනව" කියල එතකොට පොඩ්ඩක් ෂේප් වෙන්න පුළුවන්! එහෙමත් නැත්නම් E-mail to SMS තමා හොඳම ක්‍රමය. 

දේශ බම්බු.....

කවුරු කවුරුත් බලයි මොන බම්බුවක්ද මේ..කියල, හැබැයි මේකත් ඉතින් එක්තරා අසාධාරණයක් තමයි! ඉස්සර කාලේ ගමක ගරු නාමයක් ලබන්න නම් හොඳ නමකුත් අරගෙන වැඩදායි පුද්ගලයෙක් වෙන්න ඕන ඒ විතරක් නොවෙයි පන්සලේ හාමුදුරුවන්ගෙ සහ ප්‍රදේශයේ ප්‍රභූන්ගෙන් නිර්දේශයකුත් ඕන මොහු ගරු නාමයක් සඳහා සුදුස්සකුයි කියා. ඒත් දැන් මොකද වෙලා තියෙන්නෙ??

  සෙවිල්ලක් බැලිල්ලක් නොමැතිව දේශපාලන වාසි ලබාගැනීමේ අරමුණින් ඕන සුනඛයෙකුටත් පුද්ගලයෙකුට එම අවස්ථාව ලබා දෙන තත්වයක් තමයි තියෙන්නෙ.පහුගිය කාලෙ රජයට අයත් ප්‍රාදේශිය සභා සහ පළාත් සභා වල සියලුම සභාපති වරුන්ට /නගරාධිපති වරුන්ට මේ "දේශ බන්දු" යන ගරු නාමය පුදකරගෙන ගියා ඒ අතර වංචා,දූෂණ,හිරේ විලංගුවේ වැටුණු ආදී සෑම සියලු දෙනාටම ඒ පට්ටම ලැබිල තියනව මෙම ගරුනාමයන් ලබාදීම කොතෙක් දුරට සාධාරණද? කවුද මේව දෙන්නෙ? කාටද බලය තියෙන්නෙ?මෙම ගරුනාමයන් ලබාදෙන්නේ රජයේ මැති ඇමති වරුන්ද?

ගරුනාම ගැන කථා කරනකොට ආචාර්යය උපාධිය ගැනත් කථා කළ යුතුයි අට වසරට විතරක් ඉස්කෝලෙ ගියපු කෙනෙක්ට ආචාර්යය උපාධියක් දුන්නොත් ? මැරකම් කරන කෙනෙක්ට ඒ මැරකම් වෙනුවෙන් උපාධියක් දුන්නොත්? නොගෙන ඉන්නෙ කවුද? කිසිවිටකත් එය ලබාගත් පුද්ගලයාට දොස් පැවරීම සාධාරණ නැත මරකම තිබුණද එය ඔවුන්ගේ වාසනාගුණය මතුවීමක් විය හැක නමුත් මේ උපාධි දෙන එවුන් නම්...."ගරු" යන වචනයෙහි පවා අරුත වනසන සුනඛ ගනයේ රොත්තකි.කට්ටිය නම් කියයි කෝ ඔයාගෙ මනුස්සකම ඇයි දේශ බම්බු කියල දැමිමෙ කියල එහෙම දැම්මෙ දැනට දීපුව ඔක්කොම එහෙම නිසා.

දේශපාලන වාසි තකා දේශයේ ගරු නාමයන් වැනසීම මනුස්සකම වෙබ් අඩවිය හෙළා දකියි!




සිත නිවන මඟත් ඔබ!

Sunday, March 14, 2010

අතිගරු ජනාධිපති තුමනි!

ඇත්ත කතා කලාම අදාල පුද්ගලයින්ට වදිනව ඒකට මම කියන්නෙ හරි තොප්පිය දාගන්නවා කියල කලින් ලිපියෙ සිදුවූ අසාධාරණයක් ගැන කථා කළාම ඒකට අදාල මින්ස්සු කුප්ත වෙලා මට දුරකථනයෙන් පවා බැණ වදිනව ඒකයි අහිංසක මම දුරකථන අංකය ඉවත් කලේ බයට නෙවෙයි වාතයක් වුණ නිසා. කොහොම වුණත් මහ ලොකුවට මනුස්සකම ගැන කථා කරන උදවියමයි ඒ වගේ අමනුස්සකම් කරන්නෙ.
ඒත් අපි කොහොමද අසාධාරණේ දැක දැක ඇස් කන් පියාගෙන ඉන්නෙ? අද මම කියන්න හදන්නෙ තවත් ඒවගේ දෙයක්.......

බොහොම අමාරුවෙන් අපේ කොල්ලො කෙල්ලො ඉගෙන ගෙන කැම්පස්වල කට්ට කාල උපාධියක් ගත්තම එහෙමතත් නැත්තම් අමාරුවෙන් විය හියදම් කරල ඉගෙන ගෙන උපාධියක් ගත්තම ඒ අහිංසක උපාධිය අතකොලු කරගෙන මේ අහිංසකයින් ගෙ කරපිටින් සැප ගන්න හදන අපේ රටේ දේශපාලන හෙංචයියලා ගැන කථා කළ යුතයි. මේ දින වල උපාධිධාරී සංගම් හරියට......හරිම ක්‍රියාශ්‍රීලියි....සතියට එකක් වත් රුස්වීම්.....ගස් ගල් ගානේ පොස්ටර් ගහන්නෙ උපාධිධාරීන්....ගෙයින් ගෙට ගිහින් ජන්ද හිඟමන් යදින්නෙත් උපාධිධාරීන් ,තරුණ පෙරමුණු හා සංගම් හතු පිපෙන්නාක් මෙනි.ඇයි එක පාරටම මේ වගේ ප්‍රබෝධයක්?????

ආණ්ඩුපක්ෂය දේශපාලන තුරුම්පුවක් ලෙස භාවිතා කරණ "ජනසභා ලේකම්" තනතුර නිසා නොවෙද  මේ පිබිදීම? එමෙන් ජලසම්පාදන/ලංගම/වරාය/ගුවන් තොට වැනි ආයතන වල ඇති තනතුරු පොදි පිටින් වපුරමින් ‍මේ හොර දේශපාලුවන් තමන්ට ඡන්දය දුන්නොත් මෙම පත්වීම් හදා දෙන බව කියමින් ගජරාමෙට තම දේශපාලන අරමුණු මුදුන් පමණුවා ගැනීමට වෙහෙසෙන ආකාරයක් දැක ගත හැකිය අහිංසක උපාධිධාරීන් හා රැකියා විරහිත තරුණයින් තම දහසක් පැතුම් හද තුල මුළුගන්වා බලාපොරොත්තු නම් වූ මිරිඟු දිය දැක දැක ඒ දෙසට දීවිමට සිදුව ඇත.....

කෙසේ නමුත් මෙම දේශපාලන කාරයින් තවත් වසර හයකට බලය ඉල්ලාගත් පසු තම යුතුකම එසේ නැත්නම් දුන් පොරොන්දු අනිවාර්යයෙන්ම ඉටුකළ යුතුයි කියා නීතියක් නොමැත එම පොරොන්දු ඉටු නොකළ හොත් අපට කළහැකි කජ්ජක්ද නොමැත එම අවුරුදු හය අවසන් වූ පසු මේ උපාධිධාරීන් සහ තරුණයින් පිරිස කුළිවැඩක් හෝ සොයාගෙනය එම අවුරුදු හයෙන් පසු රැවැට්ටීමට තවත් පිරිසක් බිහිවීද ඇත එවැනි තත්වයක් උඩ මොවුන් තම යුතුකම ඉටු කරාවි යැයි අහිංසක ලෙස බලාපොරොත්තුවක් තබාගත හැකිද?

කෙසේ නමුත් ආදරණිය දේශපාලන මහතුවරුණි/නොනාවරුණි අපේ අසරණ දුප්පත් උපාධිධාරීන් හා තරුණ තරුණියන් මෙලෙස අමු අමුවේ බොරු පොරොන්දු දී දේශපාලන වැඩකටයුතු වලට යොදා ගැනීම මනුස්සකම බ්ලොග් අඩවිය හෙළා දකියි! ඔවුන්ගේ දක්ෂතාවන්ට ගරුකොට ඔවුන්ට රැකියා ලබාදීම මැනවි .


අතිගරු ජනාධිපති තුමනි මේ ඔබේ අවධානය පිණිසයි!

ලැජ්ජයි කියන්නෙ විලි ලැජ්ජයි....!

ශ්‍රී ලංකාවේ දැනට විශාලම පරිගණක ජාලය වන School Net හී හැම පාසලකටම ලබා දුන් වෙබ් අඩිවි සේවාවට මොකද වුනේ? පාසල් වෙබ් අඩවි ‍ටික කෝ? මෙයට වග කිවයුත්තේ කවුරුන්ද? අප දන්නා ආකාරයට නම් සිදුව ඇත්තේ මෙම වෙබ් අඩවි Hacker වරයකුගේ ග්‍රහණයට හසුවී මයි මහ ගෙදරටත් හොරු පැනපි. කෙසේ නමුත් මෙම වෙබ් අඩවි භාරව ක්‍රියා කළ ආයතනය ගැනද සඳහන් කිරීම වටී එනම් ශ්‍රී ලාංකේය තොරතුරු තාක්ෂණ මහ ගෙදර නමින් විරුදා වලිය ලත් මොරටුව සරසවියයි.මෙම සරසවියේ මහ ලොකු ඉංජිනේරුවන්ට අඩුම තරමින් වෙබ් සර්වර් එකක් වත් පාලනය කළ නොහැකිද? මොවුන් මෙසේ වගකීමෙන් තොරව කටයුතු කරන්නේ මන්ද? මා ඉහත කී කථාව කට කථාවක් නම් වහාම මේ පිළිබඳ වගකිව යුත්තන් අහිංසක පාසල් ළමුන් ඉදිරියේ මෙම පාසල් වෙබ් අඩවි නැති වීම සම්බන්ඳව කරුණු දැක්විය යුතුය.

මොරටුව සරසවියේ (බලධාරියා විසින් කපාහරින ලදී) අදාල බලධාරින්ට මීට වැඩිය ලැජ්ජාවක් තවත් කොයින්ද එහෙව් වගකීමක් නැති සරසවියේ අදාල අංශය ඉදිරියේ සරම කැහිපට ගසා හූවක් කීමට තරම් වටී.
*සැලකිය යුතුයි- මෙහි දී මා ඉදිරිපත් කළ කරුණු අසත්‍ය නම් එහි සත්‍යය කරුණු දන්නා අයට මෙහි සත්‍යය වටහා දීමට හැකියාව ඇත
*එසේම මේ පිළිපිබඳ පාසල් ප්‍රජාව ඉදිරියේ කරුණු දැක්වීම වටී

Saturday, March 13, 2010

දුවමු...

තොරතුරු තාක්ෂණයට ඇලුම්කරන අයට මෙන්න තවත් අපෙන් පුංචි අත්වැලක් මම ඔබට දෙන්න හදන්නෙ පරිගණකයක් ක්‍රියාත්මක කිරීමේදි පහසුවෙන් වැඩකල හැකි Run විධාන අවස්ථාවෙහි එන විධානයන් කිහිපයක්. මෙම විධානයන් භාවිතයෙන් අපිට පහසුවෙන් පරිගණකය ක්‍රියාත්මක කර ගන්න පුළුවන් උදාහරණයක් ලෙස Character Map එක ලබාගැනීමට  Key Board එකේ Windows යතුර සමඟ R අකුර Press කර එහි charmap වශයෙන් Type කර OK අවස්ථාව හෝ යතුරුපුවරුවේ Enter Key අවස්ථාව භාවිතය මගින් පහසුවෙන් එම වැඩසටහන ක්‍රියාත්මක කර ගැනීම දැක්විය හැක. 



Friday, March 12, 2010

රෙද්දෙ මැජික්......


මැජික් දාපු කලින් ලිපිය ගොඩක් දෙනෙක් බලල තිබුණ හැහොම කැමතියි වගේ ඒ නිසා ඔන්න තවත් මැජික් එකක් දාන්න හිතුණා.හැබැයි මැජික් කිවිවට මැජික්මත් නෙවෙයි පොඩි සෙල්ලමක් බලන් ඉන්න අයට නම් මැජික් වගේ තමයි.මෙහෙමයි කරන්නෙ,
  1. කාඩ් කුට්ටම අරගෙන අත් දෙකත් හෙඳට වැහෙන්න විදියට රෙද්දකින් වහ ගන්න
  2. කාඩ්ටික ඔක්කොම  අංක සටහන් නොකරපු පැත්ත උඩට සිටින සේ තියා ගන්න ඕන
  3. ඉස්සරහ ඉන්න කෙනාට කියන්න ඒකෙන් රෙද්ද ඇතුලෙන් හිමිහිට කොළයක් අරගෙන බලලන්න කියල
  4. ඒ බලන අතරෙදි අර පුද්ගලයාට නොදැනෙන ලෙස කාඩ් ටික අනෙත් අතට හරව ගන්න (අංක සටහන් කල කොටස උඩට හිටින සේ)
  5. දැන් එයාට කියන්න කොළය තමන්ට ඕන තැනක තියන්න කියල (හැබැයි රෙද්ද උස්සන්න ඉවත් කරන්න නම් දෙන්න එපා එතකොට වැඩේ මාට්ටු)
  6. එතකොට ඒ පුද්ගලය කොළය තියන්නෙ ගත්ත විදියටමයි ඒ කියනෙ අංක සටහන් කල පැත්ත යටට සිටින සේ.
දැන් අරන් බලන්න එයා බලපු කොළය මොකද්ද කියල අපිට කියන්න පුළුවන් මොකද අනිත් කොළ ඔක්කොම එකම දිශාවකට තියෙන කොට ඒ කොලේ විතරක් අනෙක් අතට තියෙන්නෙ ඇයි අපි කාඩි ටික අනෙක් අතට හැරෙව්ව නේ මම කියපු දේ පැහැදිලි වුණාද දන්නෙ නෑ කමක් නෑ කට්ටියට පොඩ්ඩක් හිතන්නත් ඉඩ තියන්න ඕන දැන් ඉතින් පොඩි එවුන් ටිකක් වටකරගෙන ඔය මැජික් එක කරන්න තියෙන්නෙ.

වේවැල වටා ඉකිබිඳ දඬුවමක් පැතූ..

පැන මඩකඩිති වැව් තාවුල වැහි කාලේ ..
පෙන්නා මඟ නොමඟ නොවැටී යන තාලේ..
සිප් කිරි පෙවූ මූසිලයන් උඩු මාලේ..
අපෙ ගුරුතුමා යයි තාමත් ඉස්කෝලේ....

මේ සිංදුව ඇහුවම අපේ ඇස් වලින් කඳුළු එන තරම් සංවේදී වෙනව අපි අපේ සුන්දර පාසල් කාලයට මොහෙතකට ගමන් කරනවා වගේ දැනෙනවා . මෙහිදී සුනිල් එදිරිසිංහ නම් අසහාය කලාකරුවාගේ සුන්දර කටහඬ මේගීතයේ සුන්දරත්වයට මොණර පිලක් වගේ..මෙහා පළමු පදපේලි වලින් පැවසෙන්නෙ ගුරුවරයා සිසුන්ට යා යුතු නිවැරදි මඟ පෙන්වන ආකාරයයි මඩ ගොහොරු නැමැති කරදරවලින් බේරී හරි මාර්ගයේ යන ආකාරය ගැන ගීත රචකයා උපමාවක් යොදමින් කියා පායි දෙවන පද පේලි වලදී යම් උපහාසාත්මක යෙදවුමක් භාවිතා කර ඇත සිප් කිරි පෙවූ මූසිලයන් උඩුමාලේ... යනුවෙන් සිසුන්ඉහළ ස්ථාන වල වැජබුනත් ගුරුවරයා එතැනම බව මින් කියවේ.

සාමා අමර විකුණති බස් පොලේ කජු..
කුමාරෝද පිටු දන්දෙති එයින් මතු..
උගතමනා ශිල්පය පිල් කඩ නොපැතූ..
වේවැල වටා ඉකිබිඳ දඬුවමක් පැතූ......

මෙම කොටසින් කියැවෙන දේ ගැන විමසුමු, මෙම කොටසේ පළමු පද පේලි දෙකෙන් කියවෙන්නේ එකල ශිල්පය ඔනෑකමින් හදාරා නොමැති අය අද දුක්විදින බවත්,උගතමනා ශිල්පය පිල් කඩ නොපැතූ..වේවැල වටා ඉකිබිඳ දඬුවමක් පැතූ...... යන්නෙන් අදහස් වන්නේ එසේ දුක් විඳින පුද්ගලයන් පසු තැව්ල් වන ආකාරය නොවෙද? ඒ දුන් දඬුවමේ අගය දැන් ඔවුනට වැටහෙන බව කියා පෑමට උත්සාහ දරා ඇත.

රන්මසු පට පිලි අභරණ උරණවෙලා....
සමන්පිච්ච කැකුළිය ගෙයි මිළීන වෙලා....
ගුරු නිවහනේ කඳුළට උල්පතක් වෙලා..
ලොකු හාමිනේ ඇත බිතු සිතුවමක් වෙලා...

මෙම කොටස ගීතයේ සංවේදීම කොටස සේ මා දකී  පාසල් ගුරුවරයකුගේ කථාවේ අවසන් ජවනිකාව මෙය ලෙස කිව හැක එකළ ලොකුහාමිනේ යැයි අදහස් කරන්නේ පාසලේ මුල් ගුරුතුමාගේ බිරිදයි එසේම මෙම ගීතයේදී මෙම කථාවට ලක්වූ ගුරුතුමාගේ බිරිද පාසල් ගුරුවරියක් යැයි සිතේ . රන්මසු පට පිලි අභරණ උරණවෙලා....සමන්පිච්ච කැකුළිය ගෙයි මිළීන වෙලා....ගුරුනිවහන අභාවයට ගොස් ඇති අතර ‍ඇය මෙලොවින් සමු ගත් ආකාරයක් මෙහිදී කිය වේ.

Thursday, March 11, 2010

අපිත් පෙන්නමු මැජික් .....

ගොඩක් අය මැජික් පෙන්නන්න නම් දන්නව හැබැයි ඒව මැජික් කිව්වට මැජික්මත් නෙවෙයි ඒවට නින්ජා පෙන්නනව කිව්වෙත් නම් හරියටම හරි ඒත් මම දැන් කියන්න හදන්නෙ ඇත්ත මැජික් ගැන හැබැයි මැජික් කාරයො නම් කවදාවත් මැජික් එකක් තවත් කාටවත් කියල දෙන්නෙ නෑ ඒත් මම එහෙම නෑ හැබැයි ඉතින් මම මැජික් කාරයෙක් නෙවෙයි වුනාට කාඩ් කුට්ටම ගත්තම නම් මැජික් පෙන්වනව.

මේ මැජික් පොත මට හම්බවුනේ අන්තර්ජාලයෙන්මයි  එකක් දෙකක් කරල බැලුව කරන්න පුළුවන්  පොඩ්ඩක් බලන්න සිම්පල් මැජික් ටිකක් තමයි තියෙන්නෙ පොඩි තැනින් පටන් ගත්තොත්  අපිටත් ක්‍රිස් ඒන්ජල් වගේ හොඳ මැජික් කාරයෙක් වෙන්න පුළුවන් එතකොට අපිටත් පුළුවන් වෙයි ඔෆිස්වල තියන බඩු එහෙම අතුරුදහන් කරන්න.

අවංකව බොරු කරපු.!

Wednesday, March 10, 2010

නිදාගන්න තැනක් නැද්ද?

ලෝකයේ වෙනත් රටවල (පෝසත්) ගිමන් මහන්සියට නිදාගන්න නියම ප්ලේස් තියනව ලගදි ආපු විද්‍යුත් තැපෑලක තිබිල මට මේ පිංතූර ටික හම්බ වුනේ  ආයෙ කියල වැඩක් නෑ මාර අදහස ගිමන් මහන්සියට වාඩිවෙන්න නෙවෙයි නිදාගන්න වුනත් පුළුවන් විදියට මේ Sleep Box එක නිර්මාණය කරල තියෙන්නෙ. ඒක ඇතුලෙ මාර සැප තමා ඒ මදිවට අන්තර්ජාලය සහිත Laptop එකකුත් තියල තියනව තමන්ගේ වැඩක් කරගන්න. අපේ රටේ නම්  Laptop එකක් තිව්වොත් විනාඩි පහක් වත් තියෙන එකක් නෑ ඕක උස්සගෙන යනව Laptop නොවෙයි මෙහේ වගේ නම් Sleep Box එක පිටින්ම උස්සන් යන්නෙ.
පිටට පෙ‍නෙන ආකාරය-


 
ඇතුලත දර්ශනයක්-

හරස් කඩක්-

ඔබේ මනාපය කාටද?



Tuesday, March 9, 2010

කොම්පියුටර් ජිල්මාට් (2 ‍වන වෙළුම)

ඔන්න අද මම කියන්න හදන්නෙ විස්ටා වලින් ජිල්මාට් දාන හැටි විස්ටා නම් දැන් බාවිතා කරන්නෙ නති තරම් කමක් නෑ මම දෙන්නම් ‍කලින් වගේ පුංචි අත් පොතක් විස්ටා Tips තියෙන මේකෙ තියනව විස්ටා වලින් වැඩ දාන හැටි කියවලා බැලූවම තේරෙයි (ඉංග්‍රිසි දන්නවනම් ).විස්ටා වල මුලු පැටිකිරියම මේකෙ තියනව පිටු 666ක් නේ.......

දවසක් පැල නැති හේනේ....

හැම දාම කොම්පියුටර් ගහල හරියන්නෙ නෑ ඔන්න තව රසවින්දනයක් කරන්නයි ලෑස්තිය ඔයාල අහල ඇතිනේ ගුණදාස කපුගේ මහත්තයගෙ,
දවසක් පැල නැති හේනේ...
අකාල මහ වැහි වැස්සා...
තුරුලේ හංගාගෙන මා ඔබ තෙමුනා අම්මේ....

ඉතින් මේ සින්දුව ඇහුවම ඔබට මොකද හිතෙන්නෙ ඇයි මේ දවසක් පැල නැති හේනේ කියල දාල තියෙන්නෙ.සමහරු මේ කියමන ගැන ඒ තරම් හිතන්නෙ නැති වුනාට මේ වචනයෙන් ලොකු අර්ථයක් දෙනව,පවුලක සාමාන්‍යයෙන් වෙහෙසිලා වැඩ කරන්නෙ පිරිමිය එතකොට පිරිමියෙක් ඉන්නවනම් අනිවාර්යෙන් පැලක් හදනව නේ ඒත් මෙතන පැල නැති හේනේ කියන්නෙ ඒ පව්ලෙ පිරිමිය නැති බව කියන්න .කොච්චර ප්‍රභල කියමනක්ද? එහෙව් අසරණ වෙච්ච මොහොතක අකාල මහ වැසි නැමැති කරදර බාදකත් එනව ඒත් ඒ අම්ම තම දරුවන්ට ඒ කරදර වලින් බේර ගන්නව.ඒ සෙනෙහස දරුවන්ටත් දැනුන ඒ බව කියන්නෙ ඒ දරුවෙක් මයි.

නුවර වීදි යටකරගෙන නින්දා වැහි වැගිරුන දා
බිරිදකගේ සෙනෙහෙ ගියා යෝධ ඇලේ නැම්මේ......

මේ පද පේලි නම් හිතා ගන්න බැරි තරම්,  සැමිය අහිමි උන කාන්තාවකට නින්දා කියන දේ උරුමයි නේ ඒත් සුළුපටු නින්දා නොවෙයි නුවර වීදි යට කරගෙන යන තරමට වහින වැස්සක් වගේ නින්දා ගැරහුම් ආවෙ, ඒ වගේම නින්දා වලින් බිරිදකගේ සෙනෙහස කියන දේ නැති කරලම දැම්මෙ හරියට  යෝධ ඇලේ නැම්මේ වතුර කඩා හැලෙනව වගේ.ඒ හැම දෙයක්ම අප වෙනුවෙන් ඉවසපු ඔබේ සෙනෙහස ගැන ආඩම්බරයි අම්මේ,

කොළඹ අහස කළුකරගෙන මූහුදු හුලග අඩලන කො‍ට
ඔටුන්න බිම දා දුවගෙන එන්නද එක පිම්මේ
මං එන තුරු ඉදි කඩ ලග ඉන්නවාද අම්මේ............මං එනනනනනන තුරු ඉන්දිකඩ ලග ඉන්නවාද අම්මේ..................







Monday, March 8, 2010

කොම්පියුටර් ජිල්මාට් (1 ‍වන වෙළුම)

කොම්පියුටර් වලින් ජිල්මාට් දාන්න කවුරුත් කැමතියි සමහරු වාසියට ජිල්මාට් දානව සමහරු විනෝදයට ජිල්මාට් දානව කොහොම වුණත් අපි නම් ජිල්මාට් දාන්නෙ විනෝදයට එහෙනම් ඉතින් මම අද ඔබට කියන්නෙ Windows 7 වලින් ජිල්මාට් දාන හැටි සමහරවිට ඔබ තවමත් Windows 7 භාවිතා කරල නැතිව ඇති ඒත් ඒක හොයා ගෙන පොඩ්ඩක් අතපත ගාලා බලන්න මම මේ දෙන පුංචි අත් පොත ඔබට ඉදිරියේදි හරි ඕන වෙයි බාල තියාගන්න  Windows XP වල ජිල්මාට් දාන්න ඊලග ලිපියෙන් කියන්නම්.

Sunday, March 7, 2010

පාස්වර්ඩ් ප්‍රශ්නයක් කරගන්න එපා..!


රහස් පද දාල පරිගණකය ලොක් කරගෙන මොනව කරනවද දන්නෙ නෑ මේක අයින් කරගන්න විදියක් තිබුණනම්.! ඔව් ඔබටත් පුළුවන් ඕනම පුංචි මහත්තයෙක්ගෙ පරිගණකයේ පාස්වර්ඩ් නැතිකරල දාන්න වින්ඩොස් එක්ස්පර්ට් (windows XP) වල විතරක් නෙමෙයි විස්ටා වලත් පාස්වර්ඩ් නැති කරල දාන්න පුළුවන් සමහරු කියයි Administration පාස්වර්ඩ් අයින් කරන්න බෑ කියල ඒව ඔක්කොම බොරු මම දෙන්නම් හොද භාණ්ඩයක් පාස්වර්ඩ් ඉවත් කරන.

මේ වැඩසටහන පහලින් බා ගෙන සී.ඩී තැටියකට දාගන්න ඉන් පස්සෙ කරන්න තියෙන්නෙ මේ තැටිය රොම් එකට දාල කොම්පුටරය Restart කරන එක බය වෙන්න එපා එතකොට වින්ඩොස් Install වෙනව වගේ මුලින්ම පෙනුනට ටික වෙලාවක් ගියාම ඔන්න අහනව මොන User Account එකේ පාස්වර්ඩ් එකද ඉවත් කරන්න ඕන කියල ඔයාලට තියෙන්නෙ අදාල අංකය press කරන්න විතරයි පාස්වර්ඩ් කැළේ.......එම් එස් ඔෆීස් වල පාස්වර්ඩ් බිදින හැටිත් කියන්නම් කෝ. 


Saturday, March 6, 2010

සී රියල්.... See Real

දැනට සොෆ්ට්වෙයාර් කීයක් විතර හදල ඇත්ද ඒවට රහස් පද කීයක් තියනව ඇත්ද අන්තර්ජාලයේ සැරිසරන කොට මට හම්බවුණා රහස්පද පොදියක් (Serial Keys) පොඩ්ඩක් එහෙම නෙවෙයි මිලියනයක් මරු නේ! ඒත් මේව මෙහෙම ප්‍රසිද්ධ කරන්න ගිහින් හිරේ විලංගුවේ යන්න වේවිද දන්නෙත් නෑ කමක් නෑ අන්තර්ජාලයට උන් මේක දැම්මෙ ගන්න නේ හැඩ බලන්න නෙවෙයි නේ. ඔන්න මමත් බා ගත්ත හැමෝම ටොරෙන්ට් භාවිතාකරන්නෙ නැති නිසා Media Fire වලට දැම්ම මේ සබැ‍දියෙන් ඕනනම් අරගෙන බලන්න වැඩක් ගන්න පුළුවන්ද කියල. 

කුහක හෙදියන් හා වෙදුන්

කරුණාවන්ත ක‍මෙන් ද මිහිරි චඩනයෙන්ද සොදුරු දැකීමෙන්ද  හුදෙක් මනස පමණක් නොව ලෙඩරෝග පවා සුවපත්නව බව විද්වතුන්ගේ මතය සේම ශ්‍රේෂ්ට පඩිවරුන් මෙන්ම අපේ බුදු රජානණ් වහන්සේ පවා දෙසා ඇති බව අප දනිමු කවුරු කෙසේ කීවත් අත්දැකීමෙන් පවා අප ඒ ගැන දනිමු.කෙසේ වෙතත් අද ලාංකේය හෙදියන් බොහෝ සේ අකාරුණික පිරිසක් බව නොරහසකි හැමෝම එසේ නොවුනත් වැඩි පිරිසක් අකාරුණික බව පිළිගත යුතුය  හෙදියන් මෙන්ම වෛද්‍ය වරුන්ද වැඩි ප්‍රමාණයක් අකාරුණික වී ඇත මේ තත්වයට හේතව කුමක් දැයි සොයා බැලිය යුතුය !

වෛද්‍යවරුන් නම් මුදල් පසුපස හඹා යෑම නිසා මෙසේ අකාරුණික තත්වයට පත්වීදැයි සිතේ නමුත් ඔවුන්ගේ පුද්ගලික බෙහෙත් දෙන ස්ථාන වලදී නම් කරුණාව සීමාවක් නැති තරම්ය එහෙත් රජයේ රෝහල් වලදී මෙවුන් පිස්සන් සේ හැසිරෙන්නෙ මන්දැයි කාට කියම්ද? ඔවුන්ගේ දක්ෂතාවය මත වුවත් රජයේ වියදමින් ඉගෙනගත් ඔවුන් රජයේ රෝහල් වලදී තිරිසනුන් සේ හැසිරීම පිළිගත හැකිද?මෙයට කළහැක්කේ කුමක්ද අපි තව තවත් ඉවසුමුද?

 මිනහෙදියන් ද ‍රජයේ රෝහල් වලදී රෝගීන්ට සලකන ආකාරය ගැන සතුටුවිය නොහැකිය මිනිස් ජීවිතයක වටිනාකම නොතේරෙන පුද්ගලයින් හෙද පාසල් වලට තෝරාගැනීම මෙහි පදනම යැයි සිතේ එමෙන් අද මෙම හෙද වෘතියද දේශපාලනීකරණය වී ඇති බව පැහැදිලිය හෙද විදුහල් වලට තෝරා ගැනීමේදී දේශපාලනයද එක් සාදකයක් වී ඇති බව අප දනිමු කෙසේහෝ මෙම වෛද්‍ය සේවාව අනිවාර්ය සේවාක් නැතිනම් අත්‍යාවශ්‍යය සේවාවක් කිරීමේ කාලය එළබ ඇත ‍


  

Serif Web Plus 2x

වෙබ් ඩිසයින් කරන සැමට මෙන්න හොද වෙබ් අඩවි නිර්මාණ වැඩසටහනක් හැම එකම වගේ භාවිතා කරල තිබුණ නිසා මේකෙ පොඩි ලෙහෙසියක් තියනව කියල මට දැනුණ මට නම් මේක හොදට අල්ලලා ගියා ඉතින් අනිත් අයට නම් කොහොම වෙයිද දන්නෙ නෑ Dream Weaver තරම් පහසුකම් නැති වුණත් මේකෙ පොඩි ගතියක් තියනව.මේකෙනුත් සයිට් එකක් හදලම බලන්නකෝ (ටොරෙන්ට් එකෙන් ඇද ගන්න බැරිවුනොත් මට කියන්න)

ආදර්ශමත් ගුරුවරයා......

ගරුවරුන් ලෙස අධ්‍යපන ක්ෂේත්‍රයට එන්නට පුහුණුව ලැබූ ගුරු සිසුන් පිරිසක් ගුරු හොරුන් වූ හැටි පසුගිය දිනක අපට අසන්නට ලැබුණි ඒ විද්‍යාපීඨ අවසන් පරික්ෂණයේ ප්‍රශ්න පත්‍ර හෙරකම් කිරීම වැනි නින්දිත ක්‍රියාවක නිරත වීමෙනි.මෙතැනින් ඔවුන් නැවතීමද හුදෙක් අහිංසක පාසල් ළමුන්ගේ වාසනාවක් යැයි ද සිතේ.

ඉහත කී සිදුවීම සහ නොයෙකුත් අසන්නට ලැබෙන සිදුවීම් නිසා ආදර්ශමත් ගුරුවරයකු සතු කාර්යය භාරය නැවත ඔවුනට මතක් කරදීම උදෙසා මෙම ලිපිය හැර දක්වමි
ගුරුවරයකු සතු කාර්යය භාරය  කරුණු වශයෙන්-

  • පාසල තුලදී සහ ඉන් පිටත දී විශිෂ්ට චරිතය කින් හා මනා පැවැත්මක් ගොඩනගා ගත යුතුය
  • පාසල තුල හෝ පාසල් කාලය තුල දුම් බීමෙන් වැළකී සිටිය යුතුය.(සමහර දක්ෂ ගුරුවරුන් දුම් බීමෙන් පසු විශය ඉගැන්වීමට පන්තියට පැමිණිවිට ළමයින් මහත් සේ අපහසුතායකට පත්වේ හේතුව ඔවුන්ගේ මුඛයෙන් නැගෙන දුම් ගද නිසාය)
  • මත් පැන් පානයෙන් වැළකී සිටිය යුතුය (පාසල් කාලය තුල මත් පැන් භාවිතය සේවයෙන් පහ කීරීමට තරම් හේතුවකි)
  • ඇදුමින් පැලදුමින් ආදර්ශවත් විය යුතුය
  • අධ්‍යාපන ක්‍රම හා මූල ධර්ම පිළිබද නව සොයාගැනීම් පර්යෙක්ෂණ ආදියෙහි නිරත විය යුතුයි
  • සැම විටම ළමයින්ගේ දැනුමට අභියෝග කළ හැකි ආකාරයේ දැනුමකින් සන්නද්ද විය යුතය (තොරතුරු තාක්ෂණය අතින් ගුරුවරුන් වැඩි පිරිසක් ළමුන්ට වඩා පහළ මට්ටමක සිටීම අවාසනාවකි)
  • සිසුන්ට අතිරේක දැනුම ලබාදීමට මගපෙන්විය යුතුය ( අන්තර්ජාල භාවිතය,පුස්ථකාල භාවිතය,හා නොයෙකුත් ජනමාධ්‍යය ක්‍රම භාවිතය)
  • සිසුන්ගේ හැකියාවන් පිළිබද ඇගයීම් කිරීම කළයුතුය
  • කිසිවිටක් පක්ෂපාතී බවක් හැගවීමෙන් වැළකීමද වැදගත් වේ
මේ ආකාරයේ විවිධ වු ක්‍රියා කරකම් තුලින් ගුරුවරයා ගේ කාර්යය බාරය වටහාගෙන ක්‍රියා කිරීම හුදෙක් අප අනාගත පරපුර රැක ගැනීමට කෙරෙන දායකත්වයක්සේද සැලකිය හැක.

Thursday, March 4, 2010

Hello වෙනුවට ආයුබෝවන්!


"හලෝ" "හැලෝ' "හෙලෝ' දුරකථනයකින් ඇමතුමක් ගත්තොත් ඕනම තරාතිරමක කෙනෙක් (ස්වාමීන් වහන්සේලා හැර) ඔය වචනය කියනවාමයි හැබැයි ඒක කිව්වට ඔවුන් ඒකෙ තේරැම වත් දන්නෙ නෑ අඩුම ගානෙ මම වත් හරියට එකෙ තේරුම දන්නෙ නෑ එක එක්කෙනා එක එක තේරුම් කියනව බුදුදහමෙදි නමි තේරුමක් දනිනෙ නැති වචන කථාකරනවට කියන්නෙ හිස් වචන කියල ඉතින් බලන කොට මේකත් එක්තරා හිස් වචනයක් තමයි.
සමහරු නම් කියයි ඒ වචනයේ වැරද්දක් නෑ මොකද දුරකථන හොයාගත්තෙත් සුද්දෝ නේ ඉතින් එයාලට කළගුණ සැලකීමක් වශයෙන් එම තේරුමක් නොදන්න ඉංගිරිසි වචනය දිගටම භාවිතා කරණ එක හොදයි කියල.තවත් සමහරු ඔය විජාතික සංස්කෘතිය විනාස කරන්න කැමති නෑ නේ අපේ දේවල් පාවා දීල හරි උන්ගෙ නම ආරක්ෂා කරණව පුදුම මිනිස්සු.
ඒවයින් වැඩක් නෑ කියන්න ගත්තු දේ කියන්නම් කෝ මට ලගදි අපූරු අදහක් ආව ඒ අදහස එන්න මුල් වුණේ රුහුණු සරසවියෙ සිසුවෙක් වුන අජිත් කුමාර හෙට්ටිආරච්චි නොහොත් සූවස් නිසා මොකද එයා දුරකථනයෙන් ආමන්ත්‍රණය කරද්දි මේ Hello වචනය වෙනුවට කියන්නෙ ආයුබෝවන් ! කියල අපූරුයි නේ.හැබැයි අවුල තියෙන්නෙ මෙහෙම කිව්වම හැමෝම හිතන්නෙ විහිළු කරනව කියල මොකද දැන් හොද සිංහල වචනයක් කිව්වත් ගොඩක් අයට විහිළුවක්.උදේට Good Morning නොකියා සුභ උදෑසනක් කියල කිව්වොත් මිනිස්සු හිතන්නෙ අපිට ලූස් කියල නැත්නම් හයියෙන් හිනාවෙනව ශ්‍රී ලාංකිකයො වෙච්ච අපි එහෙම හිනාවෙනවනම් පි‍ට රට්ටු අපිට කොහොම හිනාවෙනව ඇත්ද?
ශ්‍රී ලාකිකයො විදියට අපිට යුතුකමක් තියනව අපේ කම රැක ගන්න අද ඉදන්වත් අපි උත්සාහ කරමු දුරකථනයෙන් ආමන්ත්‍රණය කරද්දිවත් ආයුබෝවන් කියල සිංහලෙන් අමතන්න හැබැයි ගොඩක් දෙනෙක් අපිට හිනාවෙයි පිස්සු කියල හිතයි ඒත් ඒව ඉවසගෙන කට්ට කාගෙන ටික දවසක් හරි කරල බලමු වැරදිලාවත් හරිගියොත් .....

ICTA නිදිද?

ශ්‍රී ලංකේය ජනයා බොහෝ දෙනෙක් දැන් දැන් සිංහල බ්ලොග් කරණයට යොමු වී ඇති අතර එයින් වැඩි පිරිස පිරිමින් වීම සුවිශේෂීවේ. කාන්තා පක්ෂය මෙවැනි දේ සදහා යොමු නොවීමට හේතුව කුමක්ද? මින් අදහස් වන්නේ ලංකාවේ කාන්තා පක්ෂය අදහස් හුවමාරුවට අකමැතිද නැතිනම් ඔවුන් කාර්ය භහුලද? එමෙන්ම නූතන ලාංකේය පාසල් පද්දතිය තුල අන්තර්ජාල පහසුකම විශාල වශයෙන් භාවිතා වුවද එම පාසල් වල තොරතුරු තාක්ෂණ ගුරුවරුන් පවා තවමත් බ්ලොග් නිර්මාණයට පිවිස නොමැත.
මෙම බ්ලොග් ක්‍රමය ඉගෙනීමට සාර්ථක තාක්ෂණික ක්‍රම වෙදයක් බව අප අත් දැකීමෙන් දනිමු ඉදිරියෙදි අන්තර්ජාලය බාවිතා කරන්නන් බ්ලොග් කරණයට යොමු කිරීමෙ පුළුල් වැඩ පිළිවෙලක් අවශ්‍ය බව මගේ මතයයි පාසල් මට්ටමින් මෙන්ම තරුණ සංවිධාන මට්ටමින් මෙවන් වැඩපිළිවෙල ක්‍රියාත්මක කළ හැකි අතර ශ්‍රී ලාංකේය තොරතුරු තාක්ෂණය නංවාලීම සදහා ජනාධිපති කාර්යාලය හා එක්ව ක්‍රියාත්මක වන ඉක්ටා හෙවත් ICTA වැනි ආයතන තවමත් අමනව හා නින්ද්‍රෝපගතව එකතැන පල්වෙමින් සිටීම ගැනද කණගාටුව පල කළ යුතුව ඇත.ඔවුන් තොරතුරු තාක්ෂණය වෙනුවෙන් කළ දෙයක් ඇත්නම් ඒ අසාර්ථක නැණසල මධ්‍යස්ථාන පිහිටු විමයි.
මේ කවුරු නිදිය ගත්තත් අපේ බුලට් වගේ කොල්ලොටික සිංහල බ්ලොග් කියවනයන් පවා හදල තොරතුරු තාක්ෂණය වෙනුවෙන් කරන සේවය ප්‍රසිද්ධියේ අගය කළ යුතුව ඇත.ඒ වගේ ගාල්ල බටුවන්ගල වැනි දුශ්කර පාසල් වල සිට වුවත් තොරතුරු තාක්ෂණ ගුරැවරයකු ලෙස අරුණ චමින්ද මහතා එම පාසලට හා ප්‍රදේශයට කළ සේවය අගය කළ යුතුය එම පාසලේ සියලුම ළමුන් පුද්ගලික බ්ලොග් පවත්වාගෙන යන බව ඔබ දන්නවාද ? එවැනි ගුරුවරුන් ලංකා මාතාවට සම්පතකි එමෙන් කොළොන්න ප්‍රාදේශිය ලේකම් කාර්යායේ සේවය කරණ රජීන් වැන්නවුන් තොරතුරු තාක්ෂණයට කරණ සේවය අගය කළයුතුය. මම ඔය කිව්වෙ මම දන්න  විවිධ කාර්යන්වල නියුතු කිහිප දෙනෙක් විතරයි තවත් එවැනි පුද්ගයින් බොහෝ ඇති ඉතින් හැහෝම එකතුවෙලා මෙවැනි කාර්යභාරයන්ට දායක වෙමු ලංකාවේ තාක්ෂණය නගා සිටුවමු  

සාමාන්‍යයෙන් හොද වෛරස් ගාර්ඩ් එකක්.....

වෛරස් ගාර්ඩ් නම් ඔන තරමි ඒත් තියන අවුල තමයි ඒව දැම්මම පරිගණකයේ වේගය අඩුවන එක තවමත් හැම වෛරස් එකක්ම අල්ලන වෛරස් ගාර්ඩ් නම් නෑ කවදාවත් ඇතිවෙන එකකුත් නෑ මොකද අන්තර්ජාල ජිල්මාට් කාරයො ඉන්නව නේ උන් එක්ක බෑ වසලයො ජාතියක්.ඒ තත්වය උඩ තරමක හරි සෑහීමකට පත්වෙන්න පුළුවන් පරිගණකයට බරක් නැති වෛරස් ගාර්ඩ් එකක් හම්බ වුණා ඒ තමයි  Avast දැනටමත් මේක ගොඩක් ජනප්‍රිය එකක් විශේෂත්වය තමයි මේකෙ වෛරස් අහුවුණාම සුද්දෙක් ඒක ඇතුලෙ ඉදන් කෑගහල කියන එක ඒ වගේම මේකේන් ඩොස් ස්කෑන් එකක් කරන්නත් පුළුවන් දැනටමත් ක්‍රියාත්මක වන වෛරස් ඒ තුලින් අල්ලන්න පුළුවන් වෙන ඒවයිත් ඒ පහසුකම් නෑ කියනව නෙවෙයි මේක දාල ටිකදවසක් බලන්නකෝ නොමිලයේ ලබාගන්නත් පුළුවන් ටොරෙන්ට් එකෙන් අදින්නත් පුළුවන් කෝකටත් මමත් වැරදි වැඩේවුණත් ලින්ක් එකක් දාන්නම් ලංකාවෙ අපිට මොන කොපිරයිට් ලෝ ද?


පෙරදිනයක මා පෙම්කළ යුවතිය......

තොරතුරු තාක්ෂණය ගැනම කියද්දි බෝරිං වගේ ඒ හින්ද මම රසාස්වාදය ගැන අපූරු අදහසක් දෙන්නයි මේ හදන්නෙ හැමෝම සිංදු අහනව තමයි ඒත් ඒ සිංදු වල සංගීතයයි රිද්මයි ගැන විතරයි හිතන්නෙ මම කැමතියි ඒ මනස පොඩ්ඩක් වෙන පැත්තකට යොමු කරන්න.
මේක හැමෝම අහල තියන සිංදුවක් අමරදේව මාස්ටර්ගෙ පෙර දිනයක මා....පෙම්කර යුවතිය සියපුතු නලවනවා....මගේම ගීයක් නැලවිලි ස්වරයෙන් ඈතින් මතුවෙනවා........මේ සිංදුව ඇහෙන කොට හිතට හන්නෙ වෙන අදහසක් තමන්ගෙ පෙම්වතිය අහිමි වුණු පෙම් වතකුගෙ සෝකී හඩක් තමයි ඇසෙන්නෙ ඒත් මේ සිංදුවෙන් එයා කියන්නෙ තමන්ගෙම බිරිද ගැන සිංදුව නැවත හොදට අහන්නකෝ ඒ වගේම තව සිංදුවක් තියනව වෙහෙරලියද්ද මහත්තය කියන පෙරුම් පුරාගෙන ආ..සංසාරේ පැතුමද සුනු විසුනුව වැටුනේ..කාටද රිදුනේ කවුරුද හැඩිවේ දුම්රිය මොහොතක් නතර වුණේ....බලන්න මොන තරම් ප්‍රභල කථාවක්ද ? ඒත් ගොඩක් අයට මේක වැටහෙන්නෙ නෑ එයි මේ දුම්රියක් මේකට ගාව ගත්තෙ කියල...මේ සිංදුවෙන් කියන්නෙ දුම්රියේ ගමන් කරන මගියෙක් දුම්රියට පැනල මැරුණු මිනිසකු දෙස බලන ආකාරය හොදට අහන්න එතකොට වැඩේ තේරෙයි....තව සිංදුවක් තියෙන්නෙ නන්දා මාලනී මහත්ම්යගෙ සුදුහාමිනේ.......කියල ඒකත් හරි අපූරු ගිතයක් අම්ම කියන වචනය නොකියා අම්ම ගැන කියන සිංදුවක්
ව්චාරය කියන දේ මේකයි කියල හරියටම කියන්න බෑ එක එක්කෙනා බලන කෝණය අනුව තමයි කියන්න වෙන්නෙ මම මේ කියපු දේවල් තව කෙනෙක් කියයි නෑ මෙහෙම නොවයි කියල ඒක ප්‍රශ්නයක් නෑ විචාරය කිරීමේ අයිතිය සියලුදේනාටම.....
                             එවැනි සිංදු කිහිපයක් - මෙතනින් ගන්න

Wednesday, March 3, 2010

බ්ලොග් කොපි නොකරමු.....

මම අද හෙලයාගෙ බ්ලොග් සටහන කියෙව්ව ඒකෙ වැදගත් අදහසක් තිබුන නිසා ඒ කියපු right click ඔප්ෂන් එක disable කරපු කථාවයි select ඔප්ෂන් එක නැති කිරීම කියන කතාවයි අතරට තවදෙයක් එකතු කලොත් Copy-Paste ඔප්ෂන් එක නැති කිරීම වගේ.... ලේසියෙන්ම කරන්නත් පුළුවන් නේ Template එක වෙනස්වෙයි කියල බයක් තියාගන්න ඕනත් නෑ මේ ජාවා ස්ක්‍රිප්ට් එක HTML Code එකේ head Tag එකට පහලින් Paste කරන්න එච්චරයි ඔය කාලිංග වගේ ජිල්මාට් කාරයින්ට ඇරෙන්න සාමාන්‍ය කෙනෙක්ට කොපි කරන්න බෑ. :)

අන්තර්ජාලය තුල කුඩා දරුවන් ආරක්ෂිතද?

අන්තර්ජාලයේ සැරිසරන විට බලන වෙබ් අඩවි වලින් 25% වත් කුණුහරුප වෙබ් අඩවි බටහිර අශීලාචාර සමාජීය ක්‍රමය අපේ සංස්කෘතියත් දැනටමත් බාගයක්ම ගිලගෙන ඉතින් මේ අන්තර්ජාලයේ ඇති අසභ්‍යය වෙබ් අඩවි වලක්වන්න අපේ ජනාධිපතිතුමාට තියා සක්කරයගෙ පුතා වයිමටත් බෑ.ඒව කොහොම වුනත් අපේ පුංචි එවුන් වත් මේකෙන් ආරක්ෂා කරගන්න එක හොදයි අපි නම් දැන් කොහොමත් නරක් වෙලානේ.
අන්තර්ජාලයේ අසභ්‍යය ‍වෙබ් අඩවි වලක්වන්න නියම පරිගණක වැඩසටහනත් මට හම්බ වුණා ඒ තමයි නෙට් නැනී (Net Nanny) මම දාල බැලුව මරු අපිට පුළුවන් ඕනම වචනයක් ඔස්සේ ඒම අඩවි සෙවීම වලක්වන්න උදාහරණයක් ලෙස කිව්වොත් අපිට අවශ්‍ය Sex කියන වචවන සහිත සියලුම වෙබ් අඩවි නවත්තන්න ඒකට ඒ වචනය ඇතුල් කලාම සෙක්ස් කියන වචනය ගෑවිලාවත් තියන වෙබ් අඩවි දර්ශනය වීමෙන් වලක්වනව.කැමතිනම් හදුනාගත් වෙබ් අඩවි වුනත් නවත්වන්න පුළුවන් මේකෙ තියෙන තවත් පහසුකමක් තමයි කවුරුහරි තහනම්කරපු වචන හෝ අඩවි හොයන්න උත්සාහ කරලහරි තියනවනම් ඒව ඔක්කොම අපට පස්සෙ බලන්න පුළුවන් අපේ රහස් පදය නැත්නම් කාටවත් මේ වැඩසටහන වෙනස් කරන්න වත් ඉවත් කරන්නවත් බෑ  නියමයි ! මම ඒ වැඩසටහන හැමෝටම දෙන්නම් ඕනනම් අන්තර්ජාලයෙන් ගන්නත් පුළුවන්. මේක පරිගණකයට දාල කරගන්න බැරි වුනොත් ගුණ දොස් වලට ප්‍රශ්නය ඇතුලත් කරන්න නැත්නම් thisaraps@gmail.com ලිපිනයට දන්වන්නකෝ.


Monday, March 1, 2010

හංගමු

තමන්ගෙ වටිනා කියන දේවල් ආරක්ෂා කරගන්නෙ ඒව එක එක තැන හංගනව ඈත අතීතයේදිත් ඔය වැඩේ ඒ විදියටම කරා නේ දැනුත් ඔය නිදන් කියල හොරෙන් හාරලා ගන්නෙ ඒව නේ ඉතින් මම අද කියන්න හදන්නෙ පරිගණකයේ තියෙන හාර්ඩ් ඩිස්ක් එකේ කොටසක් හංගන්නෙ කොහොමද කියල එහෙම හැංගුවොත් නම් හොයල හමාරයි මොකද එහෙම කොටසක් තියනව කියල පේන්නෙවත් නැහැ දන්න කෙනා නම් දන්නව ඒක ආපහු ගන්න හැටි
මුලින්ම කරන්න ඕන My Computer මත Right Click එකක් දීල ඒකෙන් Manage කියන අවස්ථාව Click කරන්න ඕන
My Computer (Icon)---> Right Click--->Manage
එහෙම උපදෙස් තේරුවම Computer Management කියල කවුළුවක් මතුවෙනව ඒ කවුළුව තුලින් පහල පෙනෙන රෑපයේ පරිදි Disk Management කියන අවස්ථාව තෝරාගත යුතුයි

 එහෙම උපදෙස් තෝරාගත් පසුව එහි දැනට පරිගණකයේ ස්ථාපනය කර ඇති සියලුම Hard-disk Partition නැත්නම් හාර්ඩ් ඩිස්ක් එකෙහි බෙදාවෙන් කරන ලද කොටස් සියල්ල දර්ශනය ‍වේවි එයින් හංගන්න ඕන කොටස මත Right Click එකක් දීල Change Driver Letter and Paths කියන අවස්ථාව බ්‍භාවිතා කරයුතු වෙනව එවිට පහත පරිදි කවුළු අවස්ථාවක් ඒවි....

මෙහිදී එම කොටස සගවනවාවම් Remove කියන අවස්ථාව Click කලයුතුයි එවිට යම් කිසි පණිවිඩයක් දර්ශනය වුවහොත් අනිවාර්යයෙන් අපි ඒ පණිවිඩයට එකගවෙන්න ඕන ඊට පස්සෙ OK අවස්ථාව Click කලොත් එම කොටස හැංගිලා යාවි ආපහු ගන්නව නම් ඒ විදියටම ගිහින් ඔය Add කියන අවස්ථාව Click කරල තිබුණු අකුර නැවත තෝරාදීමයි කරන්න ඕන ගහට නැග්ග විදියටම නේ බහින්නත් ඕන ඕන්න මේ කියන විදියට නැතුව වෙන අනංමනං කරල මට දෙස් දෙවොල් තියනව එහෙම නෙවෙයි.

තොරතුරු තාක්ෂණ ප්‍රශ්න පත්‍රයක්

මේකත් මගේ වැඩක් තමයි මට හිතුණ නිකමට වගේ ඔන්ලයින් ප්‍රශ්න පත්‍රයක් කරන්න ඉතින හැදුව හැබැයි ටිකක් අමාරුයි කොම්පුයුටර් කාපු අයටනම් කිරි කජු වගේ ඇති අනිත් අයට නම් පොඩ්ඩක් තටමන්න වෙයි තටමල හරි ලියල 75% ට වැඩිය ගත්තොත් එයා ඉතින් එළකිරි කොම්පුටර් කාරයෙක් තමයි මේක හරිය‍ට ලිව්ව කියන්නෙ අයි.සී.ඩී.එල් එහෙමත් නැත්නම් ජාත්‍යන්තර පරිගණක මෙහෙයුම් බලපත්‍රය ගන්න එක සිම්පල් කරලම බලන්නකෝ සමහරවිට අළුත් අත්දැකීමකුත් වෙයි ප්‍රතිඵලත් ඒ වෙලාවෙම එනව නේ .....ලගදිම O/L IT වලත් ඔයවගේම ප්‍රශ්න පත්‍රයක් හදනවා.......

දුරකථන නාද කලාව

අද කාලෙ ඉතින්  ජංගම දුරකථනයක් නැත්තෙ කාටද මොන්ටිසෝරි යන පොඩි එකාගෙ ඉදල හැමොටම තියනව එක අතකින් තාක්ෂණය ගමට ඇවිල්ල කියල සතුටුවෙන්න පුළුවන් වුනත් තවත් අතකින් මේකෙ අවදානමකුත් තියනව ඉස්කෝලෙ යන ළමයිට නම් ජංගම දුරකථන දීම මම අනුමත කරන්නෙ නෑ ඉගෙන ගෙන ඉවරවෙලා දැනුම් තේරුම් ඇති කාලෙනම් ඕව පාවිච්චි කලාට වරදක් නෑ නැත්නම් පුංචි මල් කැකුළු වගේ ඉන්න පොඩි එවුන් ඉ‍ගෙනුම පැත්තක දාල මේ දේවල් හරහා ආදර බස් දොඩවන්න ගනීවි හැබැයි මම කියන්න හදන්නෙ වෙන දෙයක් දැන් ඔය ජංගම දුරකථන වල නාද රටා ඇහුවම සමහර වෙලාවට ආස හිතෙනෙව සමහර ඒව ඇහුවම හිනා යනව දැන් ඒකත් එක්තරා කලාවක් වෙලා සිංදු නාද රටාව විදියට දාන එක තමයි ගොඩක් අය කරන්නෙ හැබැයි සිංදුවක් වෙනුවට ලස්සන හිත නිවෙන සංගීත ඛණ්ඩයක් දැම්මොත් කොහොමද? 
පහුගිය දවස්වල මට හොද නාදරටා කිහිපයක් අහුවුණා මම එකක් දෙකක් දෙන්නම් පහත තියෙන සබැදිවලින් බා ගන්න කෝ.....
Saga
Classic
ඉස්සරහට තව හොද හොද සද්ද දාන්නම්......


පිරිත් අහන්න.....

අද මම කියන්න හදන්නෙ සම්පූර්ණ වෙනස් දෙයක් හිත ටිකක් සැහැල්ලු කර ගන්න පිරිත් ටිකක් අහන්න පුලුවන් විදියක් ගැන තමයි කියන්න හදන්නෙ රත්ණමාලී ගාථා රත්නය හොයන කොට එළකිරි වෙබ් සයිට් එකක් හම්බ වුණා පහල තියන සබැදියෙන් ඒ වෙබ් සයිට් එකට යන්න පුළුවන් නිදහසේ ඉන්න වෙලාවෙ අහල බලන්නකෝ හිතට මාර ගතියක් දැනෙනව