පහුගිය දිනවල කතරගම-ලුණුගම්වෙහෙර පාර හදන්න ගිහින් නිල් මැණික් ඉල්ලමක් පෑදුන කථාව හැමෝම දන්නවනේ ඉතින් ඔය ආරංචිය ලැබුන මහා ජනගංඟාව මැණික් හාරන්න හිතාගෙන ලුණුගම්වෙහෙරින් වැව් බැම්ම දිගේ කතරගම පැත්තට යන්න වුණා තවත් පිරිසක් තිස්සමහාරාමය හරහා කතරගම දිහාවට යන්න වුණා අන්තිමට මැණික් ඉඩම් ටික කෝටි 27 කට කට්ටි කරල විකුණපු නිසා මිනිස්සුන්ට ඒ දිහාවට යන්න නොහැකි වුණා ඒත් බෙරළිහෙල පැත්තෙ සඳගල ආරණ්ණය සේනාසනය අවටත් මැණික් ඇති බවට රාවක් පැතුරුණ නිසා මිනිස්සු වැල නොකැඩී ඒ පැත්තටත් යන්න වුණා බේරුවල, කළුතර,ගාල්ල,මාතර, තංගල්ල, වීරකැටිය, රත්නපුර,පැල්මඩුල්ල ආදී දුරබැහැර ප්‍රදේශවලිනුත් ජනගංඟා මේ දිහාවට ගලන්න වුණා සාමාන්‍ය වැසියන් විතරක් නෙවෙයි දේශපාලන කාරයිනුත් මැණික් මුදලාලිලත් මේ අතර වුණා මේ දින කිහිපයේ මැණික් හාරන්න ආපු පිරිස ලක්ෂ පහකටත් වඩා වැඩි බවයි ඇතැමුන් පවසන්නෙ.... කොහොම වුණත් මේ මැණික් ගැරිල්ල අතරෙ සිදුවුණ සිදුවීම් බොහෝය.....
