නිවන් නොයා පත්තුකරන් යන අපේ හාමුදුරුවෝ...(සංවාදයට විවෘතයි)

සියලු බෞද්ධ ජනතාවගේ අවසන් පරමාර්ථය නිවන කරා ගන් කිරීමයි එසේ නිවන කරා ගමන් කිරීමේදී ගිහි සැප එයට බාධාවක් යැයි සිතා පැවදී ජීවිතයට පිවිසෙන්නේ වේලාසනින් නිවන් යෑමේ අරුමුණිනි එහෙත් අද සම-හරක් ලාංකික භික්ෂුණ් වහන්සේලාගේ ක්‍රියා කලාපය අනුව ගිහියන් පැවදියන්ට වඩා ඉක්මණින් නිවන් අවබෝධ කරගනු ඇතැයි සිතිය හැක.. 

පහුගිය දිනෙක තම සිරුරට ගිනිතබා ගනිමින් සියදිවි හානිකරගත් භික්ෂුණ් වහන්සේගේ එම ක්‍රියාව වීරත්වයක් සේ සලකන පිරිස බොහෝය නමුත් එම ක්‍රියාව ඉතා පහත් ක්‍රියාවකි තමාගේ ජීවිතය තොර කිරීම බුදු දහමට අනුව ප්‍රභල පාපකර්මයකි මිනිසුන්ගේ හිත් සුවපත් කිරීමට , බුදුදහම රැක ගැනීමට සසුනට පිවිසි ‍භික්ෂුණ් වහන්සේලා සියදිවි හානි කරගන්නවා නම් බුදුදහමේ සැබෑ අරුථවත් නොදැන මෙතෙක් කල් චීවරය දරා සිටියා විය යුතුය එසේ නමු ඔහු චීවර ධාරියෙක් පමණි..එසේම එය බුද්ධ සාසනයේ පිරීහීමට පවා බලපාන සාධකයකි භික්ෂුණ් වහන්සේලාද අනෙක් අගාම්වල මෙන් අන්තගාමී ක්‍රියා පිළිවෙත් ඇසුරු කරයි නම් බුදුදහමේ පිරීහීමට එය රුකුලකි. බුදු දහම අනුව සිය දිවි හානි කරගැනීම අපා ගතවන පාපකර්මයකි නිර්වාණයට එය බාධාවකි විද්‍යාවට අනුව නම්  සිය දිවි හානිකරගැනීම මානසික දුර්වලතාවයක් හො පුද්ගල පෞරුෂත්ව ආබාධ නිසා ඇති කරගන්නකි.

 ගව ඝාතනය තහනම් කරීමට යයි කියා කෑ ගහන මිනිසුන් කිසිවිටකත් ධීවර කර්මාන්තයද තහනම් කළයුතු යැයි පවසා තිබේද? ගවයකු මැරීමද මාළුවකු මැරීමද වැඩිය පවු?..... අවිහිසාවාදී අන්තගාමීන් විසින් සිතන්නේ කුඩා ප්‍රාණියකු මැරීමට වඩා විශාල ප්‍රාණියකු මැරීම පාපයක් බවයි එසේත් නැතහොත් මිනිසුන්ට ප්‍රයෝජනවත් සත්වයකු මැරීම අනෙකුත් සතකු මැරීමට වඩා පාපකර්මයක් බවයි... කුඩා , විශාල, මිනිසුන්ට ප්‍රයෝජනවත්, මිනිසුන්ට ප්‍රයෝජනවත්නොවන, ආවේණික,  වඳවීයන මේ ඕනෑම සත්වයකු මැරීම එක සමාන පාපකර්මයන්ය  මාගේ අදහස නම් සියලු ජීවීන්ට ජීවත් වීමට අයිතිය ඇති බැවීන් සත්ව ඝාතනය මුළුමනින්ම වැලැක්විය යුතු බවයි එසේ වුවහොත් ධීවර කර්මාන්තය පවා නැවැත්විය යුතුව ඇත. මිනිසුන්ට ඉතා ප්‍රයෝජනවත් සතකු බැවිණ් ඝවගාතනයට විරුද්ධ වීම අසාධාරණ නැතැයි සිතුවහොත් එය වැළැක්වීම සඳහා ගත් ක්‍රියා මාර්ගය සිය දිවි හානිකරගැනීම අන්තගාමී ක්‍රියාවකි... අනගාරික ධර්මපාල තුමා ද ගවඝාතනයට දැඩි ලෙස විරෝධය දක්වපු පුද්ගලයෙකි නමුත් එතුමා එය නැවැත්වීම සඳහා ගත් ක්‍රියා කළාපය අගය කළ යුතුය ගව මස් නොකන ලෙස මිනිසුන්ට ඒත්තු ගැන්වීම තුලින් ගව ඝාතයෛහි අඩුවක් හෝ දැක ගැනීමට හැකියාව ඇත මිනිසුන් ගව මස් නොකනවා නම් මස් කඩ කාරයින් ගවයින් මරා නිකරුණේ ගොඩගසා නොතබනු ඇත. අපේ හාමුදුරුවණේ ! ඔය නාඩගම් සංදර්ශන මදකට හෝ නවතා   මිනිසුන්ට සැබෑ ධර්මය කියා දෙන්න...එහෙම වුණොත් අන්‍යආගම් කෙරෙහි ආකර්ෂණය පහව ගොස් බුදුදහමේ උපරිම සැනසුම බුක්ති විඳිනු ඇත

කෙසේ වුවත් අන්තගාමී අදහස් ක්‍රියාවට නගමින් පිරිසිදු නිර්මල  බුදුදහම වනසන්නට දැනටමත් ක්‍රියාත්මක වන විවිධ බොදු  සංවිධානයන් ගේ අමන ක්‍රියා රැඩිකල් ක්‍රියා නවතා  බුදු දහමේ නිවුනු බව මනස සුවපත් කරවන ඒ නිසංසල බව සෑබෑ ලෙස රටට මිනිසුන්ට කියා දෙමින් මිනිසුන් ගේ මනස සුවත් කර නිදුක් නීරෝගී යහපත් සමාජයක් ගොඩනැගීමට කාලය එළඹ ඇති බව පසක් කරමි

(සංවාදයට විවෘතයි)