සිංහල බ්ලොග්කරණ තරගාවලිය විහිළුවක්!

රාජකීය විදුහලේ සිංහල භාෂා හා සාහිත්‍ය ඒකකය මඟින් පවත්වන්නට යෙදී තිබෙන සිංහල බ්ලොග්කරණ තරගාවලිය විහිළුවක් බව කිව යුතුය එසේ කීමට හේතුව නම් එහි සම්පත් දායකත්වය දරන්නේ සිංහල බ්ලොග් ලිවීමට සම්බන්ධ පිරිසක් වීමයි එසේම ඔවුන් එක්තරා බ්ලොග් කියවනයකට සම්බන්ධ පිරිසක් වීමයි නරියාට කුකුල් කොටුවක් භාරදුන හොත් සිදුවන්නේ කුමක්ද? එය අප සැවොම දනිමු රාජකීය විද්‍යාලයේ භාෂා හා සාහිත්‍ය ඒකකයේ සම්පූර්ණ සම්පත් දායකත්වයක් දීමට තරම් දක්ෂයින් නොමැතිද? එසේනම් එම ඒකකය පරපෝෂිත ඒකකයක් ලෙස හැදින්වීමට අකමැත්තෙන් වුවද සිදුවේ එසේම රාජකීය විදුහලේ තොරතුරු තාක්ෂණ ගුරුභවතුන් පඹයින්ද? ශ්‍රී  ලංකා තොරතුරු තාක්ෂණ නියෝජිතායතනය  අනුග්‍රහය දැක්වීම සාධාරණ උවත් එහි සම්පත් දායකත්වය සිංහල බ්ලොග් කරුවන්ගේ සංසදය නම් වූ පෞද්ගලික අරමුණු මූලික කරගත් ඊනියා සංසදයට පැවරීම ගැන සිංහල බ්ලොග් කරුවන් වශයෙන් අපගේ කණගාටුව ප්‍රකාශකර සිටින්නෙමු. තිබෙන දැනුම හා සම්පත් භාවිතයෙන් අඩුපාඩු ඇතිව හෝ මෙම තරඟයේ සම්පූර්ණ මෙහෙයවීම හා දායකත්වය රාජකීයයන් ගන්නේ නම් එය නම්බු සහිතය.

සිංහල බෞද්ධයිනි, අලින්ට-ඇත්තුන්ට පාඩුවේ ඉන්න දීපල්ලා....

වනාන්තරයෙ ඉන්න අලින් අල්ලා පංසල්වල ගාල්කරගෙන පෙරහැරක් තියෙන කොට ඌට දසවද දිදී දම්වැල් වලින් බැඳගෙන දක්කාගෙන යන්නේ අපේ සැදැහැවත් බෞද්ධයින්ම නේද?  දළදාවහන්සේ වත් අනෙකුත් ධාතූන් වහන්සේලාවත් මේ අහිංසක සතුන්ගේ පිටේ තබා දක්කාගෙන යෑම අනුමත කරන සිංහල බෞද්ධයිනි, බුදුරජාණන් වහන්සේගේ නිර්මල බුදුදහමේ නාමයෙන් පිංසිදුවෙයි දැන්වත් මේ අමන ක්‍රියාව නවතා දමනු!.