එහෙනම් රාජපක්ෂ පවුලට මහත්තයගෙ සම්බන්දයක් තියනවද?

මේක බස් එකේ සිදුවුණ සිදුවීමක්.. ඔන්න දවසක් බස්එකක ඒ තරම් සෙනගත් නැති වෙලාවක එක මනුස්සයෙක් නැගල මරිසිපාලගෙ කකුල පාගගෙනම ඉන්නව.. මරිසිපාල මිනිහා දිහා බැලුව මිනිහා ටිකක් හැඩි දැඩි පොරක් කෝකටත් කියල මරිසිපාල ඒ මෑන්ගෙන් මෙන්න මෙහෙම අහනව..

මරිසිපාල- මහත්තයා, නේවි එකේද?
කකුල පාගගෙන ඉන්න මිනිහා- නෑ

මරිසිපාල- එහෙනම් පොලිස්සියේද?
මිනිහා- නෑ ඇයි?

මරිසිපාල- එහෙනම්..මර්වින් සිල්වගෙ කවුරුහරිද?
මිනිහා- නෑ නෑ

මරිසිපාල- එහෙනම්.. පී.එස්.ඩී එකේද?
මිනිහා- නෑ නෑ ඇයි අහන්නෙ?

මරිසිපාල- හා එහෙනම් රාජපක්ෂ පවුලට මහත්තයගෙ සම්බන්දයක් තියනවද?
මිනිහා- නෑ නෑ නෑ

මරිසිපාල- මහත්තයෝ එහෙනම් මහත්තයගෙ කකුල මගේ කකුලෙන් පොඩ්ඩක් එහාට ගන්නවද?

කථාව- සිරිල් සිංහක්කාර

පාර්ලිමේන්තු මන්ත්‍රී සනත් ජයසූරිය...

දිගින් දිගටම අසාර්ථක තත්වයක පසුවන පාර්ලිමේන්තු මන්ත්‍රී සනත් ජයසූරිය මහතාට ක්‍රිකට් ක්‍රීඩාවෙන් සමු ගැනීමට කාලය එළඹ ඇත තරුණ ක්‍රීඩකයන් හට අවස්ථාව ලබාදී ක්‍රිකට් පිටියෙන් සමුගෙන හැත්තෑ දහසකටත් අධික මාතර ප්‍රදේශයේ ජනතාවක් වෙනුවෙන් සේවය කිරීම කැපවීම සනත් ජයසූරිය මැතිතුමා සතු යුතුකමකි.තම ජයග්‍රහණය සැමරීමටවත් නොසිට පෞද්ගලික තරඟාවලියකට සහභාගිවූ එතුමා දැනට පැවැත් වෙන විස්සයි විස්ස තරඟාවලියේ දී කිසිදු දස්කමක් පෙන්නුම් නොකළේය.

අඩුම තරමින් එම සත්කාරක රටේදීවත්  ශ්‍රී ලංකා ජාතික ගීය වාදනය වන අවස්ථාවේදී සීරුවෙන් හෝ පහසුවෙන් සිටීමටවත් මෙතුමා නොදන්නේද? අත් ඉදිරියට තබා දැඟලිලි ස්වභාවයෙන් ඒ අවස්ථාවට මුහුණ දුන් අයුරු දැක ගැනීමට හැකි විය ඒබව  මා තරඟ කිහිපයකදීම අධ්‍යනය කළේය එබැවිණ් මෙහි සඳහන් කිරීමටද සිතුණි.වගකිවයුතු ශ්‍රී ලාංකිකයෙක් හැටියටත් පාර්ලිමේන්තු මන්ත්‍රීවරයෙකු හැටියටත් සියලු ලෝකවාසීන් ඉදිරියේදී හැසීරීමද ක්‍රීඩාවට වඩා වැදගත් යැයි සිතේ..

සිංහල බ්ලොග් කඹඇදී‍මකුත් පවත්වමු!

හ්ම්...සිංහල බ්ලොග් මැරතන් එකත් ඉවර වුණා ඒ උණුසුම පිටම මට  අපූරු අදහසක් ආව නරකද සිංහල බ්ලොග් කඹඇදී‍මක් සහ කොට්ට පොර ඉසව්වක් පැවැත්වුවොත් හැබැයි ඒ ඉසව් දෙකම ඊයෙම ආරමභවෙලා තියනව හැබැයි ඒක රහස් සෙල්ලමක් ...සින්ඩි දෙකක් අතර.කොහොම වුණත් ඉදිරියේදි මම හිතනව මේ ඉසව් සාර්ථකව පැවැත්වෙයි කියල.:)