රාවණාගෙ දඬුමොණරා ගැන කියන කථා...

සයිබර් අවකාශය තුල අද රාවණා පුරාවෘතය බොහෝ සේ විකෘති කරල ඒ වගේම අමූලික බොරු කථා කිය කිය මිනිස්සුන්ට විහිලු සපයන අඩවි නිර්මාණය වෙලා ඒත් ඔවුන් ගොතන කථා වල යම් රසයක් නැහැ කියන්න බැහැ ඒ නිසා කියවන්න ආස හිතෙනව ඒ අතුරින් වර්ගපූර්ණිකාව රසවත් කථා ගොතන අඩවියක් ඒ වගේ පසුව බිහිවුණ අඩිවි ගනනාවක් තියෙනව.කොහොම කොහොම හරි මනුස්සකමත් ඔය වගේ දේවල් වලට ඇඟිල්ල දාන්න කැමතියි මොකද ඒවගෙ තියෙන නිර්මාණශීලි කම නිසා.රාවණාගෙ දඬුමොණරය ගැන විවිධ අදහස් බොහෝ දෙනෙක් දක්වලා තියෙනව මම මේ කියන්න හදන්නෙ  මගේ අදහස් නෙවෙයි එවැනි විවිධ වූ පුද්ගලයින් විසින් ඉදිරිපත් කරන විවිධ මති මතාන්තර කිහිපයක්

• රාවණා යුගයේ ගුවන් යානා තාක්ෂණය ඇතී වූ බවත් රාවණා රජතුමා විසින් ගුවන් යානයක් සාදවාගෙන වෙනත් පුද්ගලයෙකුට එම තාක්ෂණය ගියහොත් තමාට වඩා ප්‍රභලවේ යැයි බියෙන් එම තාක්ෂණය හා සම්බන්ධ සියලු කරුණු සමාජයෙන් වසන්කොට සදහටම ඒ වා විනාශ කර දැමූබව ඇතැමුන්ගේ මතයයි 

• තවත් පිරිසක් ඊට තරමක් සමාන වූ අදහස් දක්වයි එනම් රාවණා යුගයේ සොයාගැනුන අහසින් ගමන්කිරීමේ තාක්ෂණය භාවිතා කරමින් රාවණා රජු "විමාන" නමින් ගුවන්යානා කරවූ බවත් එවැනි යන්ත්‍ර අතුරින් රාවණා රජුගේ ගමන්බිමන් සඳහා  " පුෂ්පක විමාන" හෙවත් දඬු මොණරය භාවිතා කළ බවත් එම යන්ත්‍ර වල තාක්ෂණය තම සතුරන් අතට පත්වේ යැයි බියෙන් එම තාක්ෂණය සමාජයෙන් වසන්කොට ඊට අදාල පුද්ගලයින්ද ඝාතනය කොට එම තාක්ෂණය පුස්කොළ පොත් වල ලියා සඟවා තැබූබව හා  පසු කාලීනව යටත් විජිත සමයන්හී ඉන්දියාව-ලංකාව වැනි රටවලින් පුරාවස්තු මංකොල්ල කෑ පෘථුග්‍රීසි ලන්දේසි හා ඉංග්‍රීසීන් එම සගවන ලද පුස්කොළ පොත් පරිහරණය කොට එංගලන්තය ඇමරිකාව ආදී රටවල්වලදී ගුවන් යානා තාක්ෂණය නැවත ක්‍රියාත්මක කර ගුවන් තාක්ෂණය දියුණු කළ  බවටත් අදහස් පලකරයි

• පිටසක්වලින් ලබාගත් අහසින් පියාසර කිරීමේ තාක්ෂණයක් රාවණා රජු භාවිතා කළ බවත් එකල යම් යම්  ග්‍රහලෝකය සමඟ සෘජුව සම්බන්ධකම් පැවැත්වූ රාවණා රජු ඔවුන්ගෙන් මෙම තාක්ෂණික උපදෙස් ලබා ගත් බවත් ඇතැමුන් විශ්වාස කරයි

• දඬු මොණරා යැයි පුරාවෘතයේ සඳහන් යානය හුදෙක් යාන්ත්‍රික යානාවක් නොවන බවත් එය විශාල පක්ෂීයෙකු බවත් තවත් අයගේ අදහසයි "ලේනා" මෙන් කිහිප ගුණයක් විශාල එම රූපයට හැඩයට බෙහෙවින් සමාන වන සතකුට "දඬු ලේනා" යැයි පවසන බැවිණ් මොණරා ගේ හැඩරුව ඇති මොණරාට වඩා කිහිපගුණයක් විශාල පක්ෂියකු "දඬු මොණරා" ලෙස භාවිතා කර ඇති බවත් බොහෝ දෙනා විශ්වාස කරති ඔවුන් ඒ සඳහා යම් උදාහරණද ගෙන දක්වති එනම් ස්කන්ධ කුමාර හෙවත් කතරගම දෙවිඳුන්ගේ රථය ලෙස සැලකෙන්නේ විශාල මොණරෙකි එසේ නම් ස්කන්ධ කුමාරයන්ද තම ගමන් බිමන් සඳහා දුර්ලභ ඝණයේ සත්වයකු වන මෙම දඬු මොණරා භාවිතා කළ ඇති බව බොහෝ දෙනා පවසයි

• එසේම එම අදහසට ටිකක් දුරට සමාන වු අදහසක් තවත් පිරිසක් ඉදිරිපත් කරයි එනම් රාවණා යුගය ජාන තාක්ෂණය ගැන දැනගෙන සිටි අතර එම තාක්ෂණය භාවිතා කර විශේෂි පුද්ගලයින් හා සත්වයින් නිර්මාණය කර ගැනීමට රාවණාට හැකි වූබවත් "කුම්භකර්ණ" යන්ද රාවණාගේ සහෝදරයෙකු නොව ජාන තාක්ෂණයෙන් හදිසි යුධ කටයුතු සඳහා බිහිකරන ලද පුද්ගලයෙකු බවත් පක්ෂීන් අතුරින් වඩාත් අලංකාරම පක්ෂියා තෝරා ජාන තාක්ෂණයෙන් තම රථය ලෙස විශාල දඬුමොණරා නිර්මාණය කර බවටත් අදහස් දක්වයි

• පසුගිය දා කළාවැව අභයභූමි ප්‍රදේශයෙන් කැමරා කාචයේ සටහන් වූ, බොහෝ දෙනෙක් රාවණාගෙ දඬුමොණරය යැයි සිතූ දෙයද ඈත අතීතයේ ජීවත් වූ මොණරාගේ හැඩරුවට සමාන ඒ දුර්ලභ ඝණයේ විශාල පක්ෂියකු විය හැකි බව ද ඇතැමුන්ගේ අදහසයි