"බල්ල පිදුරු කන්නෙත් නෑ කන ගොනාට දෙන්නෙත් නෑ"

කවුද කැමති හැමදාම පරදින්න කවුද හැමදාම පරදින්නෙ වෙන කවුද ඉතින් යූ ඇන් පී කාරයො මිසක් අතීතයේදි තම තමන් මහන්සියෙන් ගොඩනඟපු පක්ෂය අද අන්ත විදියට පරාද වෙන කොට පැරණි පාක්ෂිකයින් අසරණව සුසුම් හෙළනව මේ සැරෙත් පැරදියි කියල.දවසක් වයස්ගත පුද්ගලයෙක් කියනව ජීවත්ව ඉන්නකම් අපිට යූ.ඇන්.පී ආණ්ඩුවක් දැක ගන්න ලැබෙන්නෙ නෑ කියල මටත් ටිකක් දුක හිතුණ.මේවට වගකියන්න ඕන පක්ෂයේ නායකයා ගරු රනිල් වික්‍රමසිංහ හැමදාම විපක්ෂ නායක තුමා ....මට මෙන්න මේවිදියෙ දෙයක් මතක් වෙනව "බල්ල පිදුරු කන්නෙත් නෑ කන ගොනාට දෙන්නෙත් නෑ"' මේ තරම් පරාද වෙලත් පක්ෂයේ සියලුදෙනාගෙන් සමාව ඉල්ලලා පක්ෂනායක කමින් ඉවත් වෙන්න සදාචාරයක් නැති නායකයෙක්...දේශපාලන පරිනත භාවය පමණක් තිබූ පමනින් රටක් දිනවන්න බෑ ඒකට ආකර්ෂණයක් තියෙන්න ඕන මෙතුමාගේ ඒ ආකර්ශණය ඇත්තෙම නෑ අඩුම ගානෙ විමල් වීරවංශට වැඩියවත් මනාප ගන්න එතුමාට අද නොහැකි වෙලා තියනව පක්ෂ නායකයට පක්ෂයේ සමහරුන්ගෙ මනාපෙවත් නැහැ.

ගරු රනිල් වික්‍රමසිංහ මැතිතුමනි දැන් කළ යුත්තේ පක්ෂය අනාගත පරපුරට භාරදී උපදේශකයෙකු ලෙස තම ඉදිරි දේශපාලන ගමන යෑමයි. ගොනා මහළු වූ විට කරත්තය අදින්න බැරිලූ එහෙත් මහළු ගොන්නුන් තරණ ගොන්නුන්ටත් වඩා හොඳට කරත්ත අඳින බවද අප දනිමි නමුත් දැන් ඔබේ ශක්තිය හීනවී ගොස් ඇත දැන් ඔබට විවේකයක් අවශ්‍යබව සිතේ.

සජිත් ප්‍රේමදාස වැනි තරුණ නායකයින්ට පක්ෂය භාරදීම සුදුසු යැයි සිතේ එමෙන් රුවන් විජයවර්ධන වැනි ජවසම්පන්න තරුණ නායකයින්ට පක්ෂය භාරදිය යුතුබව හැ‍ෙඟේ උපේක්ෂෘ ස්වර්ණමාලි (පබා) ට තරම්වත් මිනිසුන් කැමති නැති තලගොයිදේශපාලන ගෙනයන කරු ජයසූරිය වැනි මහතුන්ට පක්ෂයේ නියෝජ්‍ය නායකකම් තියා කාරක සභික තනතුරුවත් දීම නුසුදුසුය එ.ජා.ප ය විනාශකලේ කරු ජයසූරිය මැතිඳුන් නොවෙද? හම්පඩ දේශපාලුවන් ඉවත් කර තරුණජවයට ඉඩදෙන්න.ලබන මැතිවරණයෙන්වත් ජයක් ලබන්නට ...මගේ අදහසට අනුව පහත පරිදි තනතුරු බෙදිය යුතුයි.

පක්ෂ නායක- සජිත් ප්‍රේමදාස
මහලේකම්- බුද්ධීක පතිරණ
නියෝජ්‍ය නායක- රුවන් විජයවර්ධන
ජාතික සංවිධායක- දයාසිරි ජයසේකර
මාධ්‍ය ප්‍රකාශකයින්- මනූෂ නානායක්කාර/සුජීව සේනසිංහ

දිස්ත්‍රික් මට්ටමින් ද නායකයන් පත්කළයුතුයි