ග්‍රීන් බ්ලඩ්

රනිල් වික්‍රමසිංහ මහතා යූ.ඇන්.පී පක්ෂනායකයා වශයෙන් සිටිය යුතුබව පිළීගන්නා එම පක්ෂයේ ඇතැම් ප්‍රභලයින් මෙම පක්ෂයේ පරිහානියටද හේතු වී ඇත ඒ අතර අන්තර්ජාලයේ මූණුපොතේ සංගමයක් විසින් උපරිමයෙන් රනිල් වික්‍රමසිංහමහතාට සහයෝගය දක්වති ඒය ග්‍රීන් බ්ලඩ් (Green Blood UNP ) නම් වේ.

උන්ට පුළුවන්නම් ඇයි අපිට බැරි??

පහුගිය දා තිස්සමහාරාම යූනියන් ඇෂුවරන්ස් හි සේවයේ නියුතු ජනක මංජුල සහෝදරයගෙන් අලුත් අදහසක් සහිත ඊමේල් එකක් ලැබුණ..හිතා ගන්නත් බැරි දර්ශනයක් තමයි ඒකෙ තිබුණෙ.පුංචි අහිංසක මුව පැටියෙක් සමඟ සෙල්ලම් කරන දරුණු කොටි රංචුවක්..ඇත්තටම මේ වගේ දෙයක් වෙන්න පුළුවන්ද කියලත් මට හිතුණ තිරිසන් සතුන්ට මිනිස් ගුණ පහල වෙලා මිනිසුන්ට තිරිසන් ගති පහළ වෙනව වත්ද කියල මේක බලපු ඕනම කෙනෙක්ට හිතෙනව. සතුරන්ට මිතුරුව ඉන්න තිරිසන් වෙච්ච උන්ට පුළුවන් නම් සතුරන් එක්ක මිතුරු වෙන්න මිනිස්සු වෙච්ච අපිට ඇයි බැරි? බලන්නකෝ ඒ පිංතූර ටික....

විදුහල්පතින්-ගුරුවරුන් නොමැතිව ළමයි අයාලේ යයි..

රජයේ සේවකයන් දිවයිනේ ඕනෑම තැනක සේවය කිරීමට බැඳී සිටියි එහෙත් පහුගියදා අම්පාර ප්‍රදේශයේ විදුහල්පති වරුන් වෙනත් පාසල්වලට මාරු කර හැරීම නිසා එම විදුහල්පතිවරුන් සහ ගුරුවරුන් ප්‍රදේශයින්හී පාසල් ළමුන්ගේ මව්වරුන් සහ පියවරුන්ද කුපිත කරවමින් නොබෝදා අම්පාර නගරයේ නැටූ නාඩගම සිනා උපදවන සුළුය උද්ඝෝශකයෝ අම්පාර කලාප අධ්‍යාපන කාර්යාලය කරා ‍ගොස් එහිද සටන් පාඨ කියමින් උද්ඝෝශනය කර ඇත.

කුප්පි ලාම්පුවට හෙණ ගහල!

එන්න එන්නම ආණ්ඩුව විසින් අහිංසක අසරණ මිනිසුන් තලා පෙළා දමන්නට පෙළඹී ඇති ආකාරයක් පෙනෙන්නට ඇත. නිල්බලකායට සහ ආණ්ඩුව ජයග්‍රහණය වෙනුවෙන් ක්‍රියා කල ධනපතීන්ගේ /කලාකරුවන්ගේ මන දොල සංසිදුවීම පිණිප සුඛෝපබෝගී භාණ්ඩ වල මිල පහත දමන ආණ්ඩුව දුප්පත් මිනිසාගේ මඩිස්සලේ හූරා කති. එසේම කිරිපිටි මිල වැඩි කළා සේම ඉදිරියේදී පාන් පිටි මිල හා සියලුම පිටිවලින් තැනූ කෑම ජාතිවල මිල වැඩි කරන බවක්ද දැනගන්නට ලැබී ඇත....

ජංගම දුරකථනයේ හොරා පොලිසියට අල්ලලාම දෙමු!

ඔබේ ජංගම දුරකථනය සොරා ගතහොත් එය අපටම සොයාගත හැකි විදියක් ගැනයි අද මම කියන්න හදන්නෙ පොලිසි ගියොත් කියන්නෙ හොරා අල්ලන් එන්න කියල නේ ඔන්න පොලිසියටත් හොරාත් අල්ලා දෙන්න මේක නියම ක්‍රමයක්  ! හැබැයි දැනටමත් බොහෝ දෙනෙක් මේක පාවාච්චි කරනවාත් ඇති....ප්‍රතිඵල සිකුරුයි! හැබැයි ගැටලුව නම් මේක Sony Ericsson දුරකථන වලට විතරයි බාවිතා කරන්න පුළුවන් .බලන්න ඔබේ දුරකථනයත් පහත සඳහන් ඒවායින් එකක් ද කියල...

පුළුවන් නම් කුණුහර්ප 20ක් කියපන්...!

නොබෝදා මා සේවය කරන ස්ථාන අසල මිනිසුන් පිරිසක් කුණුහර්ප කියමින් බැණ ගන්නා ආකාරයක් ඇසී මා ද ඒ දෙසට අවධානය යොමු කළේය   . එහී දී මට අසන්ට ලැබුනේ වචන ඉතා සුළු ප්‍රමාණයකි... කුණුහර්ප යනු තම ආවේගයන් පළකිරීම සඳහා තම භාෂාව හා බැලූවිට එහි නිතර නොකියවෙන වචන හා නුහුරු වචන භාවිතා කරමින් තනා ගත්  වචන කිහිපයකි. සිංහලයේ පමණක් නොව ඕනෑම භාෂාවක මෙවැනි වචන මාලාවන් ඇත.සමහර මිනිසුන් මේවා ඇසීම දැඩි සේ පිළිකුල් කරති එසේම සමහර මිනිසුන් මෙම වචන භාවිතා කිරීම දැඩි ‍සේ පිළිකුල් කරති තවත් සමහරුන් තම දරුවන්ට මෙවා ඇසීමටවත් ඉඩ නොතබයි මෙම වචන වලට බිය වෙති.

නූර්ති ගීත පොදියක් !

අසා රසවිදිය හැකි දුර්ලබ අපූරු නාඩගම් හා නූර්ති ගී පොදියක් මනුස්සකමට ලැබුණා ඉතින් මේ ගීත ටික හැමෝ එක්කම බෙදාගෙන රසවිදින්න ඕන කියල හිතුණ නිසා තමයි මේ විදියට අඩවියේ පළකරන්නෙ නිතර ගුවන් විදුලියෙන් රූපවාහිනියෙන් අහන්න නොලැබෙන ගීත ටිකක් පහල තියන සබැඳියෙන් අරගෙන අහලම බලන්න කෝ....

Download Now

මනමාලයා නැති මඟුල් ගෙදර....

අද දින මහා උජාරුවෙන් සමරන ශ්‍රී ලාංකේය විරුදිනය පිළිබඳව යමක් මනුස්සකම වෙනුවෙන් කියන්නට අදහස් කරමි... යුද්ධය ජයග්‍රහණය කිරීම සඳහා උර දුන් අතිගරු ජනාධිපති තුමා ඇතුලු දැයේ වීරෝදාර පුද්ගලයින් වැඩිපිරිසක් එකතුවී අද දින මහා උත්සවයකි නමුත් යුධ ජයග්‍රහණයට සෟජුවම උරදුන් රුදුරු ත්‍රස්තවාදීන්ගේ බෝම්බ ප්‍රහාර වලටද ගොදුරුවූ ප්‍රධාන චරිතයක් වූ ජනරාල් සරත් ෆොන්සේකා මහතා අද  සිරකුටියක හිඳ හිතින් මේ දිනය සමරනවා ඇත....අද ඔහුගේ නමක් හෝ ප්‍රකාශ කිරීමක් සිදු නොවේ මෙම සිදුවීම දුටු ඕනෑම කෙනෙක්ට සිහියට නැගෙන්නේ මේක හරියට මනමාලයා නැති මඟුල් ගෙදරක් වැනිය යන්නයි...

දෙහිවල තැපැල් කාර්යාලයේ නිලධාරීන් ලියාපදිංචි ලිපියක් ගැන කිව් හැටි....

පහුගිය දිනක මනුස්සකම අඩවියට වගකිවයුතු නිලධාරීන් කිව් අපූරු කථාවක් ගැන අසන්නට ලැබින. ජූනි මස 4 වන සිකුරාද හම්බන්තොට ප්‍රධාන තැපැල් කාර්යාලයෙන් දෙහිවලට තැපැල් කළ ලියාපදිංචි කරන ලද ලිපිය 19 වන සෙනසුරාදා වන විටත් නොලැබීම හේතුවෙන් මේ පිළිබද හම්බන්තොට තැපැල් කාර්යාලයෙන් විමසීමක් සිදු කළේය නමුත් එහි දී ඔවුන් කියා සිටියේ එදිනම එය දෙහිවල කාර්යාලය වෙත යැවූ බවකි පසුව දෙහිවල කාර්යාලයෙන් ද මේ ලිපිය පිළිබඳ විමසීමක් සිදුකළේය නමුත් එහි දී ඔවුන් කියා සිටියේ එම ලිපිය අස්ථාන ගත වී ඇති බවත් කාර්ය බහුල බැවින් එම ලිපිය සොයාදිය නොහැකි බවත්ය එහිදී එම ලිපිය පිළීබද විමසීමට ගිය පුද්ගලයා ඔවුන්ට කියා ඇත්තේ එය ලියා පදිංචි ලිපියක්ය යන්නයි එහිදී දෙහිවල තැපැලි කාර්යාලයේ නිලධාරින් පවසා ඇත්තේ,

හින්දි ගීතය

	සෝනු නිගම්
	ඉදිරිපත් කිරීම බී එම්.පී 3

මෙන්න මේ වෛරස් ගාඩ් එක හොඳයි...(අලුත්ම සංස්කරණය)

Avast කියන වෛරස් ගාර්ඩ් එක මීට කලින් ගොඩක් අය පාවිච්චි කරල ඇති නේ.... හැබැයි මේ Avast වල අලුත්ම සංස්කරණය නම් වැඩිදෙනෙක් භාවිතා කරල නැතුව ඇති ඒකට හේතුව මේකෙ ලියාපදිංචි කරපු එකක් හොයාගන්න බැරි කම ඒත් නොමිලයේ භාවිතා කරන්න පුළුවන් Avast Home Edition එක නම් ගන්න පුළුවන් ඒත් ඉතින් නොමිලේ දෙන ඒවට ගොඩක් අය කැමති නෑ සල්ලි ගෙවල ගන්න තියන ඒවයි හොර කොපි භාවිතයට තමයි ගොඩක් අය පුරුදු වෙලා ඉන්නෙ ඉතින් එහෙම අයට භාවිතා කරන්න Avast Pro 5 සංස්කරණය නම් මම හොයා ගත්ත සල්ලි ගෙවල ගන්නව නම් ඉතින් $39.95 වෙනව ලේසි නෑ... පරිගණකයේ ස්ථාපනය කරල අප්ඩේට් කරලත් බැලුව අව්ලක් නෑ හොඳයි වගේ....කැමති අයට Free Home Edition එක භාවිතා කරන්නත් පුළුවන් එහෙම නැත්නම් පහත තියන සබැඳියෙන් ගිහින්  Avast Pro 5 එකේ හොර පිටපත ගන්නත් පුළුවන් හොර කිව්වට හොරමත් නෙවෙයි.... 

Avast Pro 5 ගන්න

අන්තර්ජාල කුණාටුව.....

අන්තර්ජාලයේ වේගවත්ව සැරිසරන්න කවුද අකමැති? ඒත්....ඉතින් අපි හිතන වේගය, අපි බලාපොරොත්තු වන වේගය සාමාන්‍ය සම්බන්ධතාවක නැහැනේ ඉතින් තියන අන්තර්ජාල වේගය දශමයකින් හරි වැඩි කරගන්න තියනවනම් ඒකට කවුරුත් කැමතියි.ඉතින් මටත් හම්බවුණා ඒ වගේ අන්තර්ජාලයේ වේගය තරමක් හෝ වැඩි කරගන්න පුළුවන් වැඩසටහනක් නම නම් දාලා තියෙන්නෙ "අන්තර්ජාල කුණාටුව" (Internet Cyclone) කියල. මේකෙ කියල තියෙන්නෙ නම් සියට දෙසියයක් වේගය වැඩි වෙනව කියල ඒවා මේවා කොහොම වුණත් සියයට දශම පහක් වත් මේකෙන් වැඩිවෙනව නම් හොඳයි පාවිච්චි කරල බලමු හරි නැත්තම් කරන්න ඕන දේ දන්නව නේ (හැබැයි මට බනින්නෙ නැතිව).

මෙන්න මෙතනින් බා ගන්න

හොඳ කෙල්ලෙක් එක්ක යාළු වෙන්න තියෙන්න ඕන හොඳම දේ??

බොහෝ මිරිමින් තමාට සුදුසු සහකාරියක් සොයා ගැනීමට අපෝසත්ව හිතට එකඟ නැති සහකාරියකට අවසානයේ කැමැත්ත පලකරමින් තම පව්ල් ජීවිතය අවුල් කර ගනිති...සමහරුන් තමන්ට හොඳ කෙල්ලකු සමඟ යාළුවන්ට සුදුසු කමක් නැතැයි මානසිකව පීඩා විදිති කෙසේ වෙතත් තමන්ට සුදුසු හොඳ කෙල්ලක් සමඟ හාද වීමට අවශ්‍ය විශේෂ සුදුසුකම් මොනවාදැයි දැන ගැනීමටත් විනෝදාශ්වාදය පිණිසත් මේ පිලිබඳ මත විමසුක් පැවැත් වීමට මනුස්සකම අඩවිය තීරණය කර ඇති අතර මෙහි දී ඔබගේ පෞද්ගලික මතය පලකිරීමටද අවස්ථාව සලසා ඇත.පහත සඳහන් සබැඳියෙන් එම මත විමසුම වෙත ගොස් ඔබේ වටිනා අදහසත් ඉදිරිපත් කරන මෙන් කාරුණිකව දැනුම් දෙමු.

හොඳ කෙල්ලෙක් එක්ක යාළු වෙන්න තියෙන්න ඕන හොඳම දේ?

මණ්ඩලේ කචල්

මේ දිනවල අම්පාර ප්‍රදේශය ඉතාම පැහැදිලි කාලගුණයක් ද ඇත නමුත් ලංකා විදුලිබල මණ්ඩලයේ ක්‍රියා කාලාපය නම් ලැජ්ජා සහගතය දිනකට විදුලිය තිබෙන ප්‍රමාණයට වඩා විදුලිය නැති වාර ගනන ඉහලය එමෙන්ම සෑම සෙනසුරාදිවකම පාහේ දවස පුරා විදුලිය විසන්දි කර ඇත එසේම ඉරිදා ද බොහෝවිට විදුලිය කපා තැබේ. සෑම පැය දෙකකට හෝ තනකට වරක් අනිවාර්යයෙන් විදුලිය විසන්ධි වී නැවත ලැබේ මේ ලෙස වරින් වර විදුලිය විසන්ධි වීම නිසා ප්‍රදේශයේ විදුලි උපකරණ විශාල ප්‍රමාණයකට දැඩි බලපෑමක් එල්ලවී ඇත එසේම රජයේ සහ පෞද්ගලික ආයතන විශාල ප්‍රමාණයකට මෙය බාධාවක් වී ඇත. මෙම ක්‍රියා වලිය අද ඊයේ සිදුවූවක් ද නොවේ නමුත් බලධාරීන් ද මෙම සිදුවීම සම්බන්ධව නිහඩ පිළීවෙතක් අනුගමනය කරන්නේ මන්දැයි ප්‍රශ්නයකි? වෙනත් ප්‍රදේශ හා සැසදූ කල අම්පාර ප්‍රදේශයේ ලංකා විදුලිබල මණ්ඩලය ඉතාමත් අලස ලෙස හා අකාර්යක්ෂම ලෙස ක්‍රියා කරණ බව කිවයුතුය.

නව විදුලිබල ඇමති තුමණි මේ ඔබේ අවධානය පිණිසයි!

ඕපන් සෝස්

Sinhala Phrasebook

"මනුස්සකම" සිංහල චිත්‍රපටය

මනුස්සකම නම්න් අලුත් සිංහල චිත්‍රපටියක් නිපදවෙමින් පවතින බව මනුස්සකම බ්ලොග් අඩවියට වාර්ථාවිය.එම චිත්‍රපටය සුනිල් ටී මහතාගේ නිෂ්පාදනයකි ප්‍රවීණ රංගධරයන් වන ජීවන් කුමාරතුංග සහ සනත් ගුණතිලක සමඟ එක්වන තාරුණ්‍යය සිය රංගනයෙන් ඇද බැඳ ගත් රන්ජන් රාමනායක, රිදී තිරයට පෑයූ අලුත්ම තරුව චරිත් අබේසිංහ එකට එක්කොට අති සුන්දර දැවැන්ත චිත්‍රපටයක් නිර්මාණය කිරීමට සුනිල් ටී. සැරසෙයි.මනුස්සකම වෙනුවෙන් කෙරෙන මෙම නව නිර්මාණය සඳහා අපගේ සුභපැතුම්!

Publish Post

අන්තර්ජාලයෙන් මුදල් හොයන්න අලුත් ක්‍රමයක්!

අන්තර්ජාලයෙන් මුදල් හොයන නව ක්‍රම සොයන සැමට මෙන්න තවත් ක්‍රමයක් මෙහි සාර්ථකත්වය කෙබඳුදැයි කීමට තවමත් නොහැක මෙය තවමත් ප්‍රායෝගිකව අත්හදා බලා නොමැති අතර මේ පිළිබඳ කිසිදු වගකීමක් මෙම අඩවිය මඟින් නොගන්නා බවද කිව යුතුය මෙය සාර්ථක දැයි අත්හදා බැලීම ඔබ  සතු කාර්යයකි.යම් දෙයක් දැනගත් සැනින් සියල්ල සමඟ එය බෙදා හදා ගැනීම මනුස්සකම බැවිණ් මෙවැනි දේ පිළිබඳ හෙලි කිරීමට අප අපේක්ෂා කරන්නෙමු.පහත ඇති සබැඳියෙන් එබට වැඩි විස්තර දැන ගැනීමට හැකියාව ඇත.මෙහි සත්‍යතාවක් නොමැති නම් නොපමාව දැනගත යුත්තන්ගේ දැන ගැනීම පිණිස මෙම පුවතට ඔබගේ ඒ වටිනා අදහස් එකතු කරන මෙන්ද ඉල්ලා සිටිමි.

එක්සත් ජාතික පක්ෂයේ ජනතා නායකයා සජිත් ප්‍රෙමදාස.

එක්සත් ජාතික පක්ෂයේ නායකයා කවුරුන් විය යුතුද ? යන ප්‍රශ්නය ඔස්සේ මනුස්සකම බ්ලොග් අඩවිය පැවැත්වූ ජනමතය නිමාවට පත් කරමින් එහි ප්‍රතිඵල ඔබවෙත ඉදිරිපත් කිරීමට කැමැත්තෙමු එම මත විමසුමේදී 64% දෙනා සජිත් ප්‍රේමදාස මහතා සුදුසු යයි ද 27% දෙනා රනිල් වික්‍රමසිංහ මහතා සුදුසුයි යන්න ද 9% දෙනා මේ දෙදෙනා හැර වෙනත් කෙනෙකුන් විය යුතුය යන්නත් ප්‍රකාශ කර ඇත. මෙම මත විමසුම සම්පුර්ණයෙන්ම මධ්‍යස්ථව පැවැත් වුණ බවද කිව යුතුය. මිනිසුන්ගේ සැබෑ මතය  සැම විටම රටට හෙළිකරණ  මනුස්සකම බ්ලොග් අඩවියේ මීළඟ මත විමසුම කුමක්දැයි තවමත් තීරණය කර නොමැත ඉදිරියේදී කාලීන මාතෘකාවක් ඔස්සේ මතවිමසුමක් ඉදිරිපත් කෙරෙණු ඇත.

මෙන්න පලු...

වියලි කළාපීය ප්‍රදේශයන් හී විශේෂයෙන් දකුණු පළාතේ හම්බන්තොට ප්‍රදේශයේ ඇති "පලු"  ඉතා විශාල ගස් වර්ගයකි පලු ගස් ඉතා විශාල සේම එහි හටගන්නා කුඩා ගෙඩි ඉතාම රසවත් පලතුරක්ද වෙයි සෑම අවුරුද්දකම මැයි-ජුනි මාසවලදී පලු ගස් ගෙඩිවලින් බරවෙයි පලු ගෙඩි ඉදුනු පසු තද කහ පැහැයක් ගනී.බොහෝ පිරිස් මෙම කාලයට "පලු" කැඩීම සඳහා කැළයට ඇතුල්වෙයි එය ඉතාමත් විනෝදජනක ගමනක් මෙන්ම තරමක භයානක ගමනක්ද වෙයි කැති,පොරොව, වැනි අයුධ සමඟ කැළයට ඇතුලුවෙයි එමෙන් පිපාසය සඳහා වතුරබෝතල්ද රැගෙන යාම අනිවාර්යය වේ.එම කණ්ඩායමට විශාල ගස් නැගීමට පුරුදු පුද්ගලයෙක් ද සිටිය යුතුය පලු කැඩීම සිදු කරන්නේ විශාල පලු ගස්වලට නැග එහි අතු කපා බිම හෙලයි පසුව ගසයට සිටින පුද්ගලයන් එම ගෙඩි කඩා භාජනයකට එක් රැස් කර අවසානයේ සම සමව එම පලු ගෙඩි බෙදාගැනීම සිරිතකි. පලු කැඩීම ඉතාම අනතුරුදායක ක්‍රියාවකි එයට හේතුව පලු ගස් ඉතා විශාල බැවිණි එසේම පලු ගස් වල එතුන එරමිණියා නම් දරුණු කටු සහිත වැල් නිසා එහි නැගීමද ඉතා අසීරුය එමෙන් ගස මුදුනේසිට පහලට අතු කපා දැමූවිට එහි ඉදුනු පලු ගෙඩි බොහෝමයක් බිමට වැටීමෙන් අත්තක ඉතුරුනව පලු ප්‍රමාණය ඉතාම අඩුය එබැවිණ් විශාල ගස් ප්‍රමාණයක නැගීමටද සිදුවේ සමහර අතු පහත ඇති කුඩා ගස් මතට වැටීමෙන් එවා ගැනීමට අපහසුය.

පුංචි තැඹිලි පැලේත් ගෙඩි හැදිලා....!!!

නොබෝදා මනුස්සකම අඩවියට අපූරු පුවතක් වාර්ථා විය, ඉතා කුඩා තැඹිලි පැලයක ගෙඩි හට ගැනීමක් පිළීබඳයි මෙම සිදුවීම සිදුව ඇත්තේ හම්බන්තොට දිස්ත්‍රික්කයේ ලුණුගම්වෙහෙර ප්‍රදේශයේ කුඩාගම් 01 විජිත මහතාගේ ගෙවත්තේ පැලකර තිබූ තැඹිලි පැලයකය ඒම අපූරු දුරුලභ සිදුවීම රසික දිනේෂ් මහතා විසින් මනුස්සකම අඩවිය වෙතා එවා තිබුණි පහතින් දිස්වෙන්නේ එහි ඡායා රූපයකි.

ඔන් ලයින් කවිමඩුව නොහොත් ඔෆිස් කවි

පසුගිය දින කිහිපයකදී ලාංකීය සිතුවිලි බ්ලොග් කියවනය මගින් ඉදිරිපත් කරන ලද ඔන්ලයින් කවි මඩුව බොහෝ පිරිසක් අතර ජනප්‍රිය විය එහිදී කවි 4000කට අධික සංඛ්‍යාවක් ලියවී තිබේ.එම කිවි වල ගුණාත්මක බවක් නැතැයි ඇතැමුන් සිතුවත් එම කවි තුලින් ඔවුන් ඔවුන් ලබාගත් තෘප්තිය ඉහලය..මෙම ඔන්ලයින් කවි හුදෙක් ඔෆිස් කවි යැයි හදුන්වා දීමට හැක කාර්යාල සේවකයින් මෙන්ම විවධ ආයතනයන්හී සේවයේ නියුතු පුද්ගලයින් තම මානසික ආතතිය සමනය කරගැනීම සඳහා ඔන්ලයින් පත්තර කියවීම, පින්තූර බැලීම, වීඩියෝ දර්ශන නැරඹීම,බ්ලොග් කියවීම වැනි දේට හුරු වී සිටිති මෙම ඩිජිටල් කවි සංවාද ද ඒ සඳහා කදිම අදහසක් බැව් හැ‍ගෙයි.

එසේම මෙවැනි සජීවී කවි සංවාද මණ්ඩපයක අවශ්‍යතාවය දැනෙමින් පවතින බවද කිවයුතුය. කලාවට බර සිංහල බ්ලොග් කරුවන් වශයෙන් අපගේ අදහස නම් එම පැවැත් වූ කවි මණ්ඩපය ඉදිරියේදී මාසයකට දින කිහිපයක් හෝ විවෘත කර තැබීමට කටයුතු පිළියෙල කරන්නේ නම් අගනේය! යන්නයි. මෙම ඉල්ලීම ලාංකීය සිතුවිලි බ්ලොග් කියවනයේ  සියලුම පාලක වරුන්ටයි....!

පාර්ලිමේන්තු මන්ත්‍රී සනත් ජයසූරිය...

දිගින් දිගටම අසාර්ථක තත්වයක පසුවන පාර්ලිමේන්තු මන්ත්‍රී සනත් ජයසූරිය මහතාට ක්‍රිකට් ක්‍රීඩාවෙන් සමු ගැනීමට කාලය එළඹ ඇත තරුණ ක්‍රීඩකයන් හට අවස්ථාව ලබාදී ක්‍රිකට් පිටියෙන් සමුගෙන හැත්තෑ දහසකටත් අධික මාතර ප්‍රදේශයේ ජනතාවක් වෙනුවෙන් සේවය කිරීම කැපවීම සනත් ජයසූරිය මැතිතුමා සතු යුතුකමකි.තම ජයග්‍රහණය සැමරීමටවත් නොසිට පෞද්ගලික තරඟාවලියකට සහභාගිවූ එතුමා දැනට පැවැත් වෙන විස්සයි විස්ස තරඟාවලියේ දී කිසිදු දස්කමක් පෙන්නුම් නොකළේය.

අඩුම තරමින් එම සත්කාරක රටේදීවත්  ශ්‍රී ලංකා ජාතික ගීය වාදනය වන අවස්ථාවේදී සීරුවෙන් හෝ පහසුවෙන් සිටීමටවත් මෙතුමා නොදන්නේද? අත් ඉදිරියට තබා දැඟලිලි ස්වභාවයෙන් ඒ අවස්ථාවට මුහුණ දුන් අයුරු දැක ගැනීමට හැකි විය ඒබව  මා තරඟ කිහිපයකදීම අධ්‍යනය කළේය එබැවිණ් මෙහි සඳහන් කිරීමටද සිතුණි.වගකිවයුතු ශ්‍රී ලාංකිකයෙක් හැටියටත් පාර්ලිමේන්තු මන්ත්‍රීවරයෙකු හැටියටත් සියලු ලෝකවාසීන් ඉදිරියේදී හැසීරීමද ක්‍රීඩාවට වඩා වැදගත් යැයි සිතේ..

යෝගා සිංහලෙන්........

යෝගා කලාව පිළිබඳ උනන්දුවක් ඇති සැම වෙනුවෙන් නිර්මාණය වුණ අලුත්ම සිංහල වියණුවක් (බ්ලොග්) ශ්‍රී ලංකා යෝගා නමින් එළිදක්වා ඇත මෙම කලාව ඉදිරිපත් කරණුයේ ප්‍රවීණ යෝග උපදේශක රුක්ෂාන් මහතා විසිණි ඉදිරියේදී යෝගා ක්‍රම පිළිබඳව පුළුල් දැනුවත් කිරීම් මෙම අඩවිය හරහා සිදුකරන බව ඔහු අප සමග පැවසූහ.එමෙන් එහි ඇති යෝගා මිතුරු සමාජයේ ලියාපදිංචි වීම තුලින් යෝගා කලාව සම්බන්ඳ කරුණු රාශියක් ඉගෙන ගැනීමට හා නොයෙකුත් ප්‍රදේශවල කෙරෙන පුහුණු කදවුරු සඳහා සහභාගීවීමට ද අවස්ථාව ලැබෙනු ඇත. පහත සබැඳියෙන් යෝගා අඩවියට ගොඩවන්න.......

http://rukshanyoga.blogspot.com/

කවිමඩුවෙ කවීන් අතර ගැටුමක්..!

ලාංකීය සිතිවිලි බ්ලොග් කියවනය මඟින් සංවිධානය කරනු ලබන කවිමඩුව වැඩසටහන පැවැත් වීමට දින කිහිපයක් තිබියදී කවිමඩුවේ කවීන් අතර මහා ගැටුමක් වර්ධනය වෙමින් පවතී තැන තැන කුඩා කණ්ඩායම් අතරද ගැටුම් උත්සන්න වී ඇත මේ ගැටුම සඳහා ලාංකීය සිතිවිලි සංවිධායකයින්ද සම්බන්ධ බව ආරංචි මාර්ග සඳහන් කරයි.ඉදිරියේදී පැවැත්වීමට නියමිත කවිමඩුව වඩාත් අවේගශීලී සහ මඩවලින් පිරුණු එකක් වන බව දැනටමත්  මෙම පුර්ව ක්‍රියා තුලින් පෙනෙන්නට ඇත . ගැටුම වඩාත් උත්සන්න වුවහොත් සාධාරණ හා සාමකාමී කවිමඩුවක් පැවැත්වීමට නිරික්ෂණ කමිටුවක් පත්කිරීමට ද ඉඩ ඇති බව දැනගන්නට ලැබී ඇත. මෙම කවින් අතර ඇතිවූ ගැටුමක් සමනය කිරීමට ගිය පිරිසකටද කිවියෙන්ම පහර එල්ලවී ඇත...මෙම කවිමඩුව පූර්ව ප්‍රඩණ්ඩ ක්‍රියාව සියැසින් දැකගැනීම සඳහා පහත සබැඳියට ගොඩවන්න

කවියන් අතර ඇතිවූ ගැටුම

එළ හරකයි මී හරකයි!

ලංකා රාජ්‍ය තොරතුරු ජාලය (LGN) අද ලංකාව පුරා ව්‍යාප්ත කර  ඇති රාජ්‍ය සේවයට ඉතාම ප්‍රයෝජන වත් පද්දතියකි ඉක්ටා ආයතනය හා ජනාධිපති ලේකම් කාර්යාලය ඒකාබද්ධව කරන මෙම වැදගත් ව්‍යාපෘතියේ යම් අඩුපාඩුද ඇත.කෙසේ වෙතත් ඉක්ටා ආයතනය විසින් නිති විරෝධී පරිගනක වැඩසටහන් මේ රටින් තුරන් කිරීම උදෙසා මෙම ජාලයේ පරිගණක සඳහා විවෘත කාර්යාල මෘදුකාංග (Open Office) හදුන්වා දී ඇත එමෙන් විද්‍යුත් තැපෑල සඳහාද තන්ඩර් බර්ඩ් (Thunderbird)නැමැති විවෘත වැඩසටහන හදුන්වා දී ඇත නමුත් මෙම වැඩසටහන් සියල්ලම ධාවනය කිරීම සඳහා ලබාදී ඇති මෙහෙයුම් පද්දතිය වන්නේ වින්ඩොස් විස්ටා (Windows Vista)මෙහෙයුම් පද්දතියයි නිති විරෝධි වැඩසටහන් නැවැත් වීම සඳහා ඉහත කී විවෘත වැඩසටහන් හදුන්වා දෙමින් විස්ටා වැනි මුදල් ගෙවා ලබාගත යුතු වැඩසටහනක් මෙහෙයුම් පද්දතිය සඳහා යොදා ගැනීම කොතෙකුත් දුරට සාර්ථක ද? එය හරියට එළ හරකකු සහ මී හරකකු සංසංර්ගයේ යෙදවීමක් වැන්නය

For Mobile users

An SMS making rounds urging mobile users to beware of calls from some mobile numbers saying it could harm the brain is false- TRC Chief

වත්සලාගෙ හොල්මන....

තිස්සමහාරාම අලුත්ගොඩ පාරේ වත්සලාගේ හොල්මන හොල්මන් කරපු හැටි බලන්න හොල්මන් අඩවියට ගොඩවෙන්න
http://holmanadaviya.blogspot.com/

It is a lat...ඔබ ගැනමයි!

ජරාම පාර අම්පාර....

අම්පාර කියන්නෙ නැගෙනහිර පළාතෙ ප්‍රධානතම නගරයක් එහෙත් මේ දක්වා කිසිම සංවර්ධන වැඩපිළිවෙලකට අයත් නැති නගරයත් අම්පාර. අම්පාර නගරයට එන ඕනැම පුද්ගලයෙකුට ඇයි මේ...?? කියල හිතෙනව මේ ප්‍රධාන නගරයේ පාරවල් ටික දැක්කම ඇවිදගෙන යන්නත් එපා වෙනව වැස්ස දවසට නගරය එකම මඩ වගුරක් මිනිහෙක්ට පාරක යන්න බෑ මඩ වලින් නැහැවෙනව ඒ මදිවට ප්‍රධාන බස් නැවතුම් පල තියෙන්නෙ අස්සක.. කාක්කන්,කොක්කුන්,වව්ලන්ගේ රජ දහන...අලුත් ඇඳුමක් ඇදගෙන ගමනක් යන්න ගියොත් ඒ කුරුල්ලන්ගෙ වසුරු ප්‍රහාර වලට ලක්වෙන එකේ ගැලවෙන්න නම් අමාරුයි කුඩයක් හරි ඉහලන්න වෙනව.

එක්සත් ජාතික පක්ෂ නායකයා කවුරුන් වියයුතුද?

එක්සත් ජාතික පක්ෂ නායකයා කවුරුන් වියයුතුද? යන මාතෘකාව ඔස්සේ තවත් දේශපාලනික වශයෙන් මතභෙදයට තුඩුදිය හැකි තරඟයක් පවත්වන්නයි මගේ අදහස.මගේ පෞද්ගලික අදහස නම් රනිල් වික්‍රමසිංහ මහතා ඉවත්වී සජිත් ප්‍රේමදාස මහතාට පක්ෂය භාරදීමට කාලය එළඹ ඇති බවයි කෙසේ වෙතත් විවිධ පුද්ගලයින් මේ ගැන විවිධ මත පලකරති බොහෝපිරිසකගේ අදහස් මොනවාදැයි විමසා බලමු. කළ යුත්තේ  පහත ඇති සබැදියෙන් අදාල අඩවිය වෙත පිවිස කැමැත්ත පලකිරීමයි.

කැමැත්ත පලකිරීමට මෙතන ක්ලික්  කරන්න

හොඳම සින්ඩිය කුමක්ද?

ඉහත මාතෘකාව ඔස්සේ පැවැත්වූ තරඟය (මතබේදයට තුඩුදුන්) නිමා කිරීමට මනුස්සකම අඩවිය තිරණය කළේය කෙසේවෙතත් මෙහි ප්‍රතිඵලය නිර්ව්‍යාජව ඉදිරිපත් කිරීමට ද කටයුතු කරමු.මෙම තරඟයේ ප්‍රතිඵල මෙසේය...

1. සිංහල බ්ලොග් කියවනය (ලබාගත් ඡන්ද ප්‍රතිශතය 54%)
2. ලාංකීය සිතිවිලි  (ලබාගත් ඡන්ද ප්‍රතිශතය 42%)
3. කොත්තු  (ලබාගත් ඡන්ද ප්‍රතිශතය 05%)

සිංහල බ්ලොග් කියවනය වෙත "මනුස්සකම" වෙතින් සුභපැතුම්!

පිරිමින්ගෙ බොළඳ කම..

පුංචිකාලෙ පුංචි ගෑණු ළමයි කැමති බෝනික්කන්ට ඒත් පුංචි පිරිමි ළමයි කැමති යෝධයින්ට...කල් ගතවන විට මේක වෙනස් වෙනව ඒ කියන්නෙ අනිත් පැත්ත පෙරලෙනව ලොකු උණාම ගෑණුලමයි කැමති යෝධයින්ට ඒත් පිරිළමයින් කැමති බෝනික්කන්ට..මේ කථාව සම්පූර්ණ ඇත්ත.මේ නිසාම මට හිතුණ බොළඳ කම පිළීබඳව ටිකක් වැඩිපුර හොයල බලන්න ඒ සඳහා මම යොදාගත්තෙ සිග්මන් ප්‍රොයිඩ් (Sigmund Freud) කියන ප්‍රකට මනෝවිද්‍ය දාර්ශනිකයාගේ පොත් කිහිපයක්.වර්ථමානයේ ආදරය කරන්නට පිවිසි පිරිමි ළමයින් අතුරින් 80% පමණ බොළඳ බවින් පෙළෙනව කියලයි  තතු දන්නෝ පවසන්නෙ එයට ප්‍රධාන හේතුව මනුස්ස සිතුම් පැතුම් හරි ආකාරව වටහා නොගැනීමයි.ගැහැණු ළමයකු අභියස බොළඳ වීමෙන් ඇතිවන්නේ එම ගැහැණු ළමයා තුල පිරිමියා යන්න පිළිබඳ තිබූ ආකල්ප (ගෞරවය හා පෞර්ෂ පිළිබද ආකල්ප) පලුදුවීමයි එමෙන් කාන්තාවක් පිරිමියා තුලින් බලාපොරොත්තු වන්නේ මොනවාද?

ඉස්තිරික්කය....

අද උදේ කමිසය මදින්න හදන කොට ස්තිරික්කයේ මුහුණත මත යම් තට්ටුවක් බැඳී තිබුණි එසේ වන්නට හේතුව ඇඳුම් මත ඇති ධුවිලි අංශු හා රෙදි වර්ණ කිරීමට යොදාගන්නා රසායනික ද්‍රවයයන් රත්වීම නිසා තටිටුවක් ලෙස ස්තිරික්ක මුහුණත මත බැඳීම විය හැකිය.එසේ තට්ටුවක් බැඳුන හොත් රෙදි මැදීම ඉතා අසීරුය රත් වූ විට ඒම මැලියම් වැනි දව්‍ය අපගේ ඇඳුම් මත තැවරීමටද ඉඩ ඇත. මෙම තට්ටුව ඉවත් කිරීමට ඉතා අපහසුය බොහෝ දෙනෙක් නොදන්නා කමින් යම් උපකරණයන්ගෙන සීරීමට තැත් කරයි එහිදී ස්තිරික්ක මුහුණතට හානී වී රෙදි මදින විට එම රෙදි සීරීමකට ලක්වේ එබැවිණ් මෙම ස්තිරික්කය මත බැදෙන තට්ටුව ඉවත් කිරීමට පහසුම ක්‍රමයක් කියන්නට කැමති ගොඩක් දෙනෙක් අතර බෙහෙවින් ජනප්‍රිය දෙයක්..ස්තිරික්කය රත්වෙන්නට හැර පැනඩෝල් පෙත්තක් ගෙන එය පරෙස්සමින් එම තට්ටුව බැඳී ඇති ස්ථාන මත අතුල්ලන්න එවිට එම තට්ටුව ද්‍රව බවට පත්වනු දැකිය හැක එය වේලෙන්ට ප්‍රථම රෙදි කඩකින් පිසදා හරින්න ලෙහෙසියෙන්ම එම බැඳී ඇති තට්ටුව ඉවත් කරගත හැක.

සිංහල බ්ලොග් කරුවන්ගේ සංසදයේ ගරු සභාපති තුමණි !

සිංහල බ්ලොග් කලාව දැනට ව්‍යප්තවී ඇති ප්‍රමාණය ගැන සතුටුවිය නොහැක මෙය අධ්‍යාපන,සමාජීය,දේශපාලන හා නොයෙකුත් අංශ වලට ඉතා ප්‍රයෝජනවත් එකකි නමුත් ලංකාව තුල අන්තර්ජාලය භාවිතා කරන පිරිසත් සමග සංසන්දනය කලහොත් සිංහල බ්ලොග් ගැන දන්නෙ එයින් සියට 5% ත් අඩු පිරිසක්.මේවන විටත් සිංහල බ්ලොග් කරුවන්ගේ සංගමයක් ක්‍රියාත්මක වූවද එය ඉතාම අක්‍රිය තත්වයේ පවතින්නකි සිංහල බ්ලොග් ලියන්නේද කියවන්නේද එකම පිරිසක් බව පෙනීයන කරුණකි.දිනකට එක් අඩවියකට පිවිසෙන ප්‍රමාණය දළ වශයෙන් 500 හෝ ඊට ආසන්න ගනනකි. මෙම කලාව ලංකාව පුරා ව්‍යාප්ත කිරීමට සිංහල බ්ලොග් ලියන්නන්ටද වගකීමක් ඇත.

සිංහල බ්ලොග් කඹඇදී‍මකුත් පවත්වමු!

හ්ම්...සිංහල බ්ලොග් මැරතන් එකත් ඉවර වුණා ඒ උණුසුම පිටම මට  අපූරු අදහසක් ආව නරකද සිංහල බ්ලොග් කඹඇදී‍මක් සහ කොට්ට පොර ඉසව්වක් පැවැත්වුවොත් හැබැයි ඒ ඉසව් දෙකම ඊයෙම ආරමභවෙලා තියනව හැබැයි ඒක රහස් සෙල්ලමක් ...සින්ඩි දෙකක් අතර.කොහොම වුණත් ඉදිරියේදි මම හිතනව මේ ඉසව් සාර්ථකව පැවැත්වෙයි කියල.:)

මිනිස් රවුම

හම්බන්තොටට ඇමතිවරයෙක් දෙන්න...

හම්බන්තොට දිස්ත්‍රික්කය මෙවර මැතිවරණයේදී වඩාත් කතාබහට ලක්වූ දිස්ත්‍රික්කයකි ඒ රාජපක්ෂ පරම්පරාව ආරම්භ වූ බැවිණි නමුත් මෙවර ඇමති මණ්ඩලය පත්කිරීමේදී හම්බන්තොටට කිසිම කැබිනට් ඇමති වරයෙකු නම් නොකිරීම පුදුම සහගතය වැඩිදෙනෙකු බලාපොරොත්තු තබා සිටි චමල් රාජපක්ෂ මැතිතුමාද කථානායක ධුරය භාරගත් බැවිණ් මෙම තත්වය උදාවී ඇත කෙසේවෙතත් දේශපාන පරිනත බවින් මීළඟට සිටි මහින්ද අමරවීර මහතාටද හිමිව ඇත්තේ නියෝජ්‍ය ඇමති කමකි හම්බන්තොට ජනතාවගේ බලාපොරොත්තු කඩකරමින් සිදුව ඇති තත්වය නිසා බොහෝ පාක්ෂිකයන් සහ සියලුම ජනතාව කනස්සල්ලෙන් පසුවෙති.සීඝ්‍රදියුණුවක් කරා ගමන් කරන හම්බන්තොට දිස්ත්‍රික්කය වෙනුවෙන් කැබිනට් ඇමති ධූරයක් ලබා ගැනීමට අතිගරු ජනාධිපති තුමන්ගෙන් ඉල්ලීමක් කළයුතු බව සැමගේ මතයයි.ඇමති වරුන් පත් කිරීමේදී සෑම දිස්තුික්කයකටම අඩුම තරමින් එක් කැබිනට් ඇමති නරයෙක් හෝ පත් කළේනම් එය සුභවාදී තත්වක් යැයි හැගේ ...දිගු කාලීන නිදහස් පක්ෂයේ පාක්ෂීකයකුවන හිටපු කැබිනට් ඇමති මහින්ද අමරවීර මහතාට නැවතත් ඇමති ධුරයක් ලබාදෙන්නේ නම් මැනවි.

සිංහල බ්ලොග් මැරතන් හොරවැඩ..

ඊයෙ රෑ තමයි රෑ කවුරු කවුරුත් රාත්‍රියේ ටෝච් අල්ලගෙන මැරතන් දිව්වනේ මුලු සයිබර් යායම එකම කලබලයක් මමත් මැරතන් බලන්න කියල කලින් පොඩි නින්දක් දාන්න ගිහින් උදේ 7.30 ඇහැ ඇරෙන කොට දැන් තමයි වැඩකිඩ බැලුවෙ ඒත් මට දැන ගන්න ලැබුණ විදියට මේ මැරතන් එකේදි වැඩි පිරිසක් තහනම් උත්තේජක අරගෙන තමයි දුවල තියෙන්නෙ ඒ කියන්නෙ සම්පූර්ණ ප්‍රෝඩාවක් කරල තියෙන්නෙ කලින් ලිපි ලියල ඒව Draft කරල තියාගෙන සැරින් සැරේ ඒව Publish කරල. කමක් නෑ ඒකට නිදිවරන්න හරි වුණා නේ හොර වැඩනම් කොතනද සිදුනොවෙන්නෙ කොහොම වුණත් කිහිප දෙනෙකුට විතරයි ඒ විදියට හොඳ නුවණක් තිබිල තියෙන්නෙ.

පින්තූරෙ ගත්තෙ මෙතනින්-http://blog.inetlanka.com/bloggame.php

ඔක්කොම එකට...All in One..! (ජංගම දුරකථන භාවිතා කරන්නන් සඳහා)

මෙන්න ජංගම දුරකථන භාවිතා කරන්නන් සඳහා අපූරු වැඩසටහනක්..!!!! සුප්‍රසිද්ධ වැඩසටහන් වන Skype, MSN Messenger, Google Talk, AIM, ICQ® , Facebook , Twitter  යන සියල්ල එකම වැඩසටහනක් හරහා සම්බන්ද කිරීමට මෙම වැඩසටහන සමත්. අපේ ජංගම දුරකථනයට වෙන වෙනම මේ වැඩසටහන් දාන්න අවශ්‍ය නෑ දැන් මිනි ෆ්රින්ග් (Mini Fring) තියන නිසා.....කරන්න තියෙන්නෙ MiniFring  අඩවියට ගිහින් එහි ඇති Download යන අවස්ථාව තෝරලා තමන්ගෙ රට,දුරකථන අංකය සහ විද්‍යුත් ලිපිනය එහි ඇතුලත් කරල Free Download කියන බොත්තම ක්‍රියාත්මක කිරීමයි....(පහත පෙනෙන පරිදි)

ඉන්පසු තමාගේ දුරකථනයට එන කෙටිපණිවිඩයේ ඇති සබැඳිය ඔස්සේ ජංගම දුරකථනයේ එම වැඩසටහන ස්ථාපනය කරගන්න පුළුවන් ඊටපස්සෙ ඉතින් රහස් පදයක් දීල ඇතුල්වෙලා ස්කයිප් නම් එහෙමයි ෆේස් බුක් නම් හහෙමයි අවශ්‍ය වැඩසටහන තෝරලා ඇතුල්වෙන්නයි තියෙන්නෙ දැන් ඉතින් දවසෙම චැට්.....

වැඩිවිස්තර සඳහා ෆ්රින්ග් අඩවියට යන්න- http://www.fring.com/fring_is/what_is_fring/

නරියාට කුකුළ් කොටුව....

  2010 මහ මැතිවරණයෙන් විශිෂ්ට ජයක් හිමිකරගත් පොදුජන එක්සත් පෙරමුණේ ඇමති මණ්ඩය නොබෝදා තේරී පත්කෙරුණි එහි දී විවිධ හැල හැප්පීම් සිදුවූ බවද නොරහසකි.කෙසේ වෙතත් සුදුස්සාට සුදුසු තැන යන මතයෙහි අතිගරු ජනාධිපති තුමා සිටින බවත් සුදුසුකම් අනුව ඇමති මණ්ඩලය පත් කරනු ඇති බවටත් මිනිසුන් තුල වූයේ දැඩි විශ්වාසයකි ඇමති මණ්ඩලය පත්කෙරුණ ආකාරය ගැන දැනි බොහෝ පිරිස් මත පලකරති.මෙම ජනතා වශ්වාසය ගිලිහී ගිය තැනක් ගැන ඔබට කියන්නට අප පසුබට නොවෙමු.

     එනම් ඇමති මර්වින් සිල්වා මහතා ගැනයි. පසුගිය ලිපියක එතුමා ගේ හොඳ පැත්ත ගැන කරුණු ඉදිරිපත් කර තිබුණද එතුමාගේ නරක පැත්ත ගැනද කියන්නට මනුස්සකම  අඩවිය ඉදිරිපත් වේ....පසුගිය කාලයේ දැඩි ආන්දෝලනයට ලක්වූ කරුණු කාරණා අතර ඇමති මර්වින් සිල්වා මහතාගේ ක්‍රියා කලාපය විශේෂ වේ තම අනිසි බලය භාවිතා කර ජනමාධ්‍ය ආයතනයන්ට ඇඟිල්ල ගැසීම ඉන් එකකි..ජාතික නාලිකාවේ සභාපතිවරයාට පහරදීමට යෑම,සිරස නාලිකව වෙත අනවශ්‍ය ආකාරයෙන් බලපෑම් කිරීම ආදියත් ජනමාධ්‍ය වේදීන්ට තර්ජනය කිරීම් හා බිය වැද්දීම් කිරීමත් අමතක කලනොහැක..එවන් ක්‍රියා කලාපයක් සහිත් පුද්ගලයෙකුට ජනමාධ්‍ය හා තොරතුරු අමාත්‍යංශය භාර දීම කොතෙකුත් දුරට සාධාරණද? සුදුස්සාට සුදුසුතැන යන සංකල්පය එතැනින්ම විනාශ වී ගිය බව හැගේ නරියාට කකුල් කොටුව භාරදුනහොත් කුමක් සිදුවේද? ශ්‍රී ලංකා ජනමාධ්‍යයට අහවල් දෙවියන්ගේම පිහිටයි!

ගරු මර්වින් සිල්වා ඇමති තුමණි ඉදිරියේදී එවන් අසාධාරණකම් සිදු නොවන බවට මිනිසුන් ඉදිරියේ ප්‍රතිඥා දියයුතුය.

ගරු ආරක්ෂක ලේකම් තුමනි !

යුධ ජයග්‍රහණයෙන් පසු වසරකට ආසන්න කලක් ගත වූවද තවමත් එම ලබාගත් නිදහසේ ඵලය සම්පූර්ණයෙන්  ජනතාවට ලැබී නොමැත. මා එසේ කීමට හේතුව නම් තැන තැන දමා ඇති පොලිස් මාර්ග බාධක ජනතාවට ඇත්තටම බාධාවක් වන බැවිණි යුද්ධය පැවති දින වලදී නම් එය අපේ ආරක්ෂාවට මහත් රුකුලක් වුනි නමුත් අද අති ගරු ජනාධිපති තුමන් හා ආරක්ෂක අංශයේ සියල්ල එකතුවී ත්‍රස්තවාදය මුලින් උපුටා දමා ඇති මොහොතක මෙසේ මාර්ග බාධක යොදමින් ජනතාවට බාධා කරන්නේ මන්ද? මාතර-අම්පාර ප්‍රධාන මාර්ගයේ ගමන් ගන්නා පුද්ගලයකුට පෙර මාර්ග බාධක 12ත්-14ත් අතර ප්‍රමාණයක් පසුකිරීමට සිදුවූ නමුත් තවමත් පොලිස් මාර්ග බාධක 3ත් 5ත් අතර ප්‍රමාණයකදී බසයෙන් බැසීමට සිදුවේ එසේම එම මාර්ග බාධක වලදී සියලුම පුද්ගලයින්ගේ විස්තරද පොතක සටහන් කරගනී  හැදුනුම් පතෙහි ඇති නම,ලිපිනය,හැදුනුම්පත් අංකය සහ තමාගේ ගමන් ආරම්භය සහ ගමනාන්තය ඔවුනට ඉදිරිපත් කළ යුතුය බස්රථය තුල මගීන් 50ක් හෝ ඊට වැඩි ගනනක් සිටින අවස්ථාවක දී අඩුම තරමින් විනාඩි 30ක් හෝ ඊට වැඩි වෙලාවක් පෝලිමේ සිටීමට සිදුවේ.

සයිස් දහයෙ සෙරෙප්පුවේ රහස කුමක්ද?

සයිස් දහයෙ සෙරෙප්පුවේ රහස කුමක්ද? දෙවන ලුතිනන් ප්‍රියන්ත ගුණසේකර මහතා හෙළිකරන සත්‍ය කතාව.... ඇත්ත දැනගන්න හොල්මන් අඩවිය බලන්න.

"හොල්මන් අඩවිය"

ගිරා මල....

මල් වර්ග විවිධ හැඩයන්ගෙන් දැකගත හැක නාරිලතා මල කාන්තාවකකගේ ස්වරූපයට බෙහෙවින් සමාන මලකි එසේම කුරුල්ලන්,මිනිසුන් ,සතුන් හා නොයෙකුත් හැඩ වලින් පුෂ්පයන් දැකගත හැක මෙයත් එවැනි පුෂ්පයකි ගිරවකුගේ ස්වරූපය ගත් මෙම අපූරු පුෂ්පය තායිලන්තයේ මල් උයනකින් හමුවී ඇත ගිරවකුගේ හොටය ඇතුළුව සියලුම අංගයන්ගෙන් සමන්විත මෙම පුෂ්පය ලංකාවේ පරවි මලට මදත් සමාන කමක් දක්වයි නමුත් එයට වඩා වර්ණවත් වීම මෙහි විශේෂත්වයයි..පහත දක්වා ඇත්තේ එම ගිරා මලයි..

ගරු සනත් ජයසූරිය මංත්‍රී තුමණි..!

දේශපාලන උණුසුම තවමත් පහව ගොස් නැත එනිසාම දේශපාලනයට සම්බන්ධ දෙයක් ගැනම කතා කරන්නට සිතුණි. සනත් ජයසූරිය යනු ලෝක ක්‍රිකට් වීරයෙකි එමෙන් අප හදවත් තුල ක්‍රීඩකයෙක් ලෙස දේවත්වයෙන් පිදුම් ලබයි නමුත් පසුගිය වකවානුවේදී ඔහු ලාංකේය දේශපාලනයට පිවිසියේ ක්‍රීඩකයෙකු ලෙසද ක්‍රියා කරන ගමන්ය.ඔහු මාතර දිස්ත්‍රික්කයෙන් පොදු ජන එක්සත් පෙරමුණ යටතේ තරඟවැද දිස්ත්‍රික්කයේ පළමු වෙනියාද විය.නමුත් ඔහුට නියමිත දිනට ඡන්දය ප්‍රකාශ කිරීමට වත් විවේකයක් නොමැති විය ඉන්දිය ප්‍රාන්තයකට ඇති ලැදියාවක් නිසා ඔහු එම ප්‍රාන්තය ජයග්‍රහණය කරවීම සදහා එතෙර බලා ගියේ මැතිවරණ කොමසාරිස් තුමාගේ විශේෂ නියෝගයක් මත වේලාසන ඡන්දයද ප්‍රකාශ කිරීමෙන් පසුවය.

"බල්ල පිදුරු කන්නෙත් නෑ කන ගොනාට දෙන්නෙත් නෑ"

කවුද කැමති හැමදාම පරදින්න කවුද හැමදාම පරදින්නෙ වෙන කවුද ඉතින් යූ ඇන් පී කාරයො මිසක් අතීතයේදි තම තමන් මහන්සියෙන් ගොඩනඟපු පක්ෂය අද අන්ත විදියට පරාද වෙන කොට පැරණි පාක්ෂිකයින් අසරණව සුසුම් හෙළනව මේ සැරෙත් පැරදියි කියල.දවසක් වයස්ගත පුද්ගලයෙක් කියනව ජීවත්ව ඉන්නකම් අපිට යූ.ඇන්.පී ආණ්ඩුවක් දැක ගන්න ලැබෙන්නෙ නෑ කියල මටත් ටිකක් දුක හිතුණ.මේවට වගකියන්න ඕන පක්ෂයේ නායකයා ගරු රනිල් වික්‍රමසිංහ හැමදාම විපක්ෂ නායක තුමා ....මට මෙන්න මේවිදියෙ දෙයක් මතක් වෙනව "බල්ල පිදුරු කන්නෙත් නෑ කන ගොනාට දෙන්නෙත් නෑ"' මේ තරම් පරාද වෙලත් පක්ෂයේ සියලුදෙනාගෙන් සමාව ඉල්ලලා පක්ෂනායක කමින් ඉවත් වෙන්න සදාචාරයක් නැති නායකයෙක්...දේශපාලන පරිනත භාවය පමණක් තිබූ පමනින් රටක් දිනවන්න බෑ ඒකට ආකර්ෂණයක් තියෙන්න ඕන මෙතුමාගේ ඒ ආකර්ශණය ඇත්තෙම නෑ අඩුම ගානෙ විමල් වීරවංශට වැඩියවත් මනාප ගන්න එතුමාට අද නොහැකි වෙලා තියනව පක්ෂ නායකයට පක්ෂයේ සමහරුන්ගෙ මනාපෙවත් නැහැ.

මර්වින් සිල්වාට ගොඩක් අය කැමතියි!

පහුගිය වකවානුවේදී ලංකාවේ මැර චරිතයක් ලෙස මාධ්‍ය විසින් හුවා දක්වනලද ආචාර්ය මර්වින් සිල්වා මහතා මෙවර මැතිවරණයෙන් විශීෂ්ථ ජයග්‍රහණයක් ලබාගෙන ඇත මොහු මෙතරම් මැර නම් දිනුවේ කොහොමද? මිනිසුන් විසින් මොහු පිළිගත්තේ මන්ද? ඕනෑම මිනිසකු තුල ඇති මනුස්සකම නිසා නොවෙද? අසාධාරණයට එරෙහිව කෑගහන අහිංසක මිනිසුන්ට අද සමාජයේ නිසි තැනක් නොමැත ඔවුන් මෝඩයින් යැයි කියා සමාජයෙන් කොන් කර දැමීමට බොහෝ ප්‍රභල මිනිසුන් කැමති වෙති එමෙන් මර්වින් සිල්වා මහතාද එවැන්නෙකි තමන්ට පහර ගහන විට හිස පහත් කරගෙන සිටීමට කැමැතක් දක්වන්නේ අමනයින්ය හිතට එන දේ නිර්ව්‍යාජව පැවසීම නොකර වෙනත් දෙයක් පැවසීම වංචාවක් ය මර්වින් සිල්වා සැබෑ අවංක මිනිසෙකි තමාගේ හිතට එන දේ හරි හෝ වැරදි නිර්ව්‍යාජව පැවසීම උසස් මිනිස් ගතියක් සේ මා දකී ඔනෑම මිනිසකු තුල ඇති සංවේදීතාවය මෙතුමා තුලද ඇත තම නිවසට ආහාර ගැනිමට ආසන්න වෙලාවකදී පැමිණෙන ඕනෑම පුද්ගලයෙකුට (ඕනෑම තරාතිරමක) "කෑම ටිකක් කමු" යැයි කියන්නේ හදිසි මංත්‍රීවරයෙකි සමහර මංත්‍රීවරුන් දහඩිය වැකුණු මිනිසුන් අප්‍රිය කරති නමුත් මිනිසුන්ගේ දහඩිය සුවඳ හදුනන මර්වින් සිල්වා වැන්නවුන් අපේ පාර්ලිමේන්තුවට අවශ්‍ය බව එක්ලක්ෂ පනස්එක්දහසක් පමණ මිනිසුන් පිළීගෙන ඇත.ගරු මර්වින් සිල්වා මැතිතුමනි ඔබට රටට වැඩදායී පුද්ගලයකු වන්නට මනුස්සකම වෙතින් සුභපැතුම්!

1  Basil Rajapaksa - 425861

2. Sudarshani Pranandupulle - 186140

3. Mervin Silva - 151085

4. Ven Athuraliye Rathna - 112010

5. Filix Perera - 69938

6. Ruvan Ranathunga - 66488

7. Lasantha Alagiyavanna - 65939

8. Sarana Gunawardana - 61150

9. Dulip Wijesekara - 51469

10. Vasantha Senanayaka - 51124

11.Pandu Bandaranayaka - 49613

12.Sarath Kumara Gunarathna - 46040

අමනුස්සයින් බ්ලොග් එකේ යකා නටල

දවස් දෙකක විවේකයක් ගන්න ගිහින් වුණ හරියක්! මගේ බ්ලොග් එකේ අශීලාචාර ලෙස පහත් වචන භාවිතා කරමින් අදහස් දාල තිබුණ එක එක විකාර නම් වලින් කොහොම වුණත් සිංහල බ්ලොග් කියවනයෙන් මගේ බ්ලොග් එක පටස් ඉවත් කිරීමක් කරල තිබුණ ඉවත් කරල තමයි ඊ මේල් එක දාල තිබුණෙ හැබැයි පෙර දැනුම් දීමකින් තොරව කමක් නෑ මොනව උනත් එයාල සම්පූර්ණ වැරදියි කියල අඟිල්ල දික් කරන්න තරම් කුහකයෙක් නෙවෙයි මම තවම "ලාංකීය සිතුවිලි" එකේ ඉන්නව නේ කොහොමත් ඉතින් වැඩිදෙනෙක් බලන්නෙ මේක නේ ආ කොත්තු එකෙත් තවම ඉන්නව මොනව වුනත් ඉතින් මගෙත් වැරද්දක් තියනව එහෙම නිවාඩුවකට බැහැරව යනවනම් නැත්නම් බ්ලොග් එක ගැන බලන්න වෙන්නෙ නැත්නම් Comments disable කරල යනඑක තමා හොඳ...මොන සින්ඩියේ මලේ බ්ලොග් එක නැති වුනත් මම බ්ලොග් එක ලියනව මොකද අඩුම ගානෙ 25 දෙනෙක් වත් මේක බලනව නේ ඒ ඇති මගේ අඩවියේ දැනට තත්වය-

566,300 Alexa Traffic Rank

548 Traffic Rank in LK

430,891 Sites Linking In

හොඳම සිංහල සින්ඩිය කුමක්ද?

දැනට තියෙන්නෙ සිංඩි තරඟයක් එකඅතකින් එහෙම තරඟයක් තියෙන එකත් හොඳයි මොකද තරඟයක් තිබුණම නේ දෙයක් සංවර්ධනය වෙන්නෙ මම පොඩි ඡන්දයක් තියන්නයි හදන්නෙ හොඳම හෝ ජනප්‍රියම සින්ඩිය මොකද්ද කියල තෝරන්න.මම හිතනව මේකෙන් සින්ඩියේ කට්ටියට තමාගේ උත්සාහය පිළිබඳ යම් නිගමනයකට එන්න පුළුවන් වේවි කියල ඒ වගෙම හැමෝගෙම කැමැත්ත තියනව නම් ඒක හොඳ එකක් වෙන්න ඕන නේ බලමු හොඳම සින්ඩිය කුමක්ද කියල කවුරු කවුරුත් තම තමන්ගේ කැමැත්ත බය නැතුව ප්‍රකාශකරන්න ඔය තර්ජන ගර්ජන වලට එහෙම බයවෙන්න එපා ඒ වගේම හොර ඡන්දත් බෑ.....අවුරුද්දට කලින් දාන අවසන් ලිපිය නිසා හැමෝටම සාමය සතුට පිරි නිදුක් නීරෝගී  සුභම සුභ අලුත් අවුරුද්දක් වෙන්න කියල ප්‍රාර්ථනා කරනව...

ඡන්දය දෙන්න මෙතන ක්ලික් කරන්න-http://manussakama.blogspot.com/

අන්තර්ජාලයෙන් SMS තහනම්!

අනේ ඉතින් අපේ අහිංසක අසරණ අන්තාර්ජාලය භාවිතා කරන කොල්ලො කෙල්ලො ‍එස් .එම් .එස් යවන්න සල්ලි නැති නිසා අන්තර්ජාලය හරහා නොමිලේ එස් .එම් .එස්  යවන්න පුරුදු වෙලා හිටිය.ඒපහසු කම දීල තිබුනෙ ඩයලොග් සමාගම සහ මොබිටෙල් සමාඟම .. ඒත් ඉතින් කිරි අප්පට බල්ලො පැනපි! ඔන්න ..ඩයලොග් සමාගම සහ මොබිටෙල් සමාඟම කථා වෙලාද මන්ද හිටි හැටියෙම ඒ පහසු කම තහනම් කරල! හ්ම්....දැන් ඉතින් තියෙන තුට්ටු දෙකත් වියදම් කරගෙන ගහපල්ල කෝ එස්.එම්.එස්....ඇමරිකාවෙන් පටන් ගත්තම ළඟම තියෙන රට ඉන්දියාව දක්වා අන්තර්ජාලයෙන් එස්.එම් එස් සේවාව ක්‍රියාත්මක වෙද්දි අපේ රටේ දුප්පත් මිනිස්සු මරාගෙන කන මෙවැනි සමාඟම් හිතන්නෙ බලුමස් විකුනලා හරි තමන්ගෙ මඩිය තර කර ගන්න මුන්ට බැන බැන මුන්ගෙ කකුල් ලෙවකනව ඇරෙන්න අපිට කරන්න පුළුවන් කෙන් ගෙඩියක් තියද? ඔකත් ඉතින් මෛත්‍රී සිතින් ඉවසමු හැමදාම කරනව වගේ.

 &

පාට කොළේ නිකං කොළේ......

අලුත් අවුරුදු කාලෙත් දන්නෙම නැතුව කිට්ටු වෙලා හැබැයි ඉතින් ඉස්සර වගේ විනෝදයක් නම් නෑ ඉස්සර නම් ඉතින් අපිට අවුරුදු වගේ.හරි කොහොම වුණත් මේ අවුරුදු කාලෙට වටේම ඉන්න පොඩි එවුන් ටිකයි අක්කල නංගිලා ටිකයි එකතු කරගෙන සෙල්ලං දාන එක කොල්ලන්ගෙ විනෝදාංශය නේ..මම කියන්න හදන්නෙ මේ කාලෙට කරන්න හොඳ සෙල්ලමක් ගැන කාඩ් කුට්ටමෙන් කරන සෙල්ලමක් මේවත් ඉතින් මැජික් තමයි.

මුලින්ම කියන්න ඕන පාට කොළේ කියන්නෙ හේර,පොරව,බූරුව ආ එහෙම කිව්වට සමහරු දන්නෙ නෑ නේ රජතුමා,බිසව,ඇමතියා ගේ රූප, අනිත් ඒව නිකං කොළ එහෙනම් වැඩේ පටන් ගමු මේක තනියම කරන්න බෑ තව කෙනෙක් සෙට් කරගන්න ඕන හැබැයි විශ්වාස වන්ත කොනෙක් එයාට කියන්න ඕන පාට කොළයක් එන කොට පොඩි සංඥාවක් දෙන්න කියල කාටවත් පේන්න සංඥාවක් දැම්මොත් වැඩේ අහුවෙන නිසා පාට කොළයක් එනකොට හිමිහිට කකුල පාගන්න කියන්න දැන් කාඩ් කූට්ටම අරගෙන රෑප සහ අංක සහිත ‍පැත්ත අනිත් අයට පේන්න තියා ගන්න එතකොට අපිට ඒක පාට කොළයක්ද නිකන් කොළයක්ද කියල පේන්නෙ නෑ හැබැයි අපේ බඩියට පේනව...‍ෂෝ එකටත් එක්ක ‍ඇස් දෙකත් පියා ගන්න දැන් කියන්න පටන් ගන්න පාට කොළේ, නිකං කොළේ, පාට කොළේ නිකං කොළේ කියල හැබැයි ඉතින් නිකං කොළයකටත් අනිත් එකා කකුල පෑගුවොත් ඔන්න අපි නෑ...